«Մանչեսթեր Սիթի» – «Ռեալ»: Էդուարդ Քալանթարյանի կանխատեսումը
Ողջույն.
Մադրիդյան հրաշալի երեկոյից հետո «Ռեալն» ու «Մանչեսթեր Սիթին» իրենց խելահեղ դիմակայությունը տեղափոխել են Մեծ Բրիտանիա: Չեմպիոնների լիգայի խաղարկության ուժեղագույն ակումբները կանցկացնեն քառորդ եզրափակիչի պատասխան հանդիպումը: Իսպանիայի մայրաքաղաքում նրանք փոխանակեցին երեքական գնդակ:
Խոշոր հաշվով, ուժերի այն դասավորությունը, որը կար առաջին խաղից առաջ, պահպանվել է: Մրցակցի հարկի տակ խփած գոլերը լրացուցիչ առավելություն այլևս չեն տալիս, հետևաբար, Անգլիայի չեմպիոնի ֆավորիտությունն արտահայտվում է միայն սեփական դաշտի գործոնով: Քչերն են Պեպ Գվարդիոլայի թիմի ճիրաններից ազատվում Մանչեսթերում: Հասկանալի է, որ «Ռեալն» ամենակարող է, և, եթե կա մեկ թիմ, որն ընդունակ է դա անել, այդ թիմն «Արքայական» ակումբին է:
Երկու խաղերի միջև ընկած ժամանակահատվածում Կառլո Անչելոտիի թիմի համար ներքին ասպարեզում ոչինչ չփոխվեց: Բալեարյան կղզիներում «Մալյորկայի» նկատմամբ նվազագույն հաշվով հաղթանակը պահպանեց ութ միավորի առավելությունը «Բարսելոնայի» նկատմամբ, և Լա լիգայում հաղթելը, թվում է, ժամանակի հարց է: Շատ բան կախված է նրանից, թե իսպանական գրանդներն ինչ տրամադրությամբ կմոտենան «Էլ կլասիկոյին» գլխավոր եվրագավաթի քառորդ եզրափակիչներից հետո:
Իսկ «Մանչեսթեր Սիթին» այս ընթացքում դարձավ Անգլիայի Պրեմիեր լիգայի միանձնյա առաջատար: Գվարդիոլայի թիմը 5։1 հաշվով ջախջախեց «Լյութոն Թաունին» և հաջորդ օրը միանգամից երկու հրաշալի լուր ստացավ: «Լիվերպուլն» ու «Արսենալը» տնային պարտություններ կրեցին, և «Մանչեսթեր Սիթին» բարձրացավ իր համար սովորական դարձած առաջին հորիզոնական: Այս փաստը, իհարկե, ավելի է ոգևորել «Սիթիին» «Ռեալի» հետ պատասխան խաղից առաջ:
Մադրիդում Գվարդիոլան ընդհանրապես չօգտվեց իր թիմի բացահայտ առաջատար Քևին դե Բրույնեի ծառայություններից: Փոխարենը, բելգիացին ութսուն րոպե խաղաց «Լյութոնի» հետ և կասկածից վեր է, որ կազմ ու պատրաստ է Չեմպիոնների լիգայի խաղին: Նա և Մադրիդին երբեք գոլ չխփած Էրլինգ Հոլանդը՝ «Սիթիի» մյուս ֆուտբոլիստների անմիջական օգնությամբ կրկին առնվազն երեք գոլ կկազմակերպեն: Սա իմ կարծիքն է քառորդ եզրափակիչի գլխավոր դիմակայության պատասխան խաղի վերաբերյալ: Ի դեպ, ապահովության համար, կարող եք ընտրել 2-ից շատ տարբերակը:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: