Էդուարդ Քալանթարյան

Էդուարդ Քալանթարյանը Հայաստանի առաջատար մարզական մեկնաբաններից է։ 16 տարի զբաղվել է պրոֆեսիոնալ թենիսով։ Հայաստանի բազմակի չեմպիոն է: 1997 թվականին Թեհրանում դարձել է ITF մրցաշարի հաղթող: Բանակից վերադառնալուց հետո որոշել է հեռանալ թենիսից՝ հեռանկար չտեսնելով այդ բնագավառում։ Հետագայում պարբերաբար կորտ է վերադարձել և 2013 թվականին Հենրիկ Նիկողոսյանի հետ Հայաստանի չեմպիոն է դարձել զուգախաղում: Զորացրվելուց հետո առաջարկ ստանալով ընկերներից մեկից՝ աշխատանքի է անցել Հանրային հեռուստաընկերության լրատվական բաժնում։

2004-2013 թվականներին աշխատել է Հայաստանի հանրային հեռուստաընկերությունում որպես «Սպորտ» ստուդիայի խմբագիր-մեկնաբան։ Ռեպորտաժներ է վարել Օլիմպիական խաղերից, ֆուտբոլի և տարբեր մարզաձևերի աշխարհի ու Եվրոպայի առաջնություններից։

2013 թվականից աշխատել է «Արմենիա» և ԱԹՎ հեռուստաընկերություններում՝ որպես մարզական մեկնաբան։

2016 թվականի օգոստոսի 15-ից հոկտեմբերի 15-ը աշխատել է Armsport.am կայքում՝ որպես գլխավոր խմբագիր։

2021 թվականի օգոստոսին վերադարձել է Հայաստանի հանրային հեռուստաընկերություն և ստանձնել Սպորտի բաժնի պետի պաշտոնը:

Էդուարդ Քալանթարյանը՝ ԲՌ-ում
2021 թվականի օգոստոսից Էդուարդ Քալանթարյանը միացել է «Բուքմեյքերների ռեյտինգի» փորձագետների թիմին: Նրա գործունեության շրջանակում են տարբեր երկրների առաջնությունները, եվրագավաթային ու ազգային հավաքականների մասնակցությամբ խաղերը: Երբեմն անդրադառնում է նաև այլ մարզաձևերի հանդիպումներին: