Ուկրաինա – Հայաստան: Էդուարդ Քալանթարյանի կանխատեսումը
Բարև բոլոր ֆուտբոլասերներին.
Ազգերի լիգայի խաղարկությունում Հայաստանի հավաքականի առաջին հաղթանակին հետևեց առաջին պարտությունը: Մեր ընտրանին Գլազգոյում ավելի թույլ էր Շոտլանդիայից և պարտվեց 0։2 հաշվով: Այդ խաղի իմ կանխատեսման իրականացմանը չբավարարեց մեկ գոլ ցանկացած թիմի կատարմամբ, սակայն փաստ էր, որ շոտլանդացիները կարող էին մի քանի գոլ ավելի խփել: 10 օրում չորս խաղի այս դաժան շարքում մեր հաջորդ հանգրվանը Լեհաստանի Լոձ քաղաքն է, որտեղ մրցելու ենք Ուկրաինայի հավաքականի հետ:
Նախ, պարզ գիտակցենք, որ չնայած քաղաքական բարդ վիճակին ու դրանից բխող նախապատրաստական խոչընդոտներին, Ուկրաինան մեր խմբի ֆավորիտն է: Դա ապացուցում են և՛ ԱԱ ընտրական փլեյ-օֆֆում Շոտլանդիայի և՛ Ազգերի լիգայի երկրորդ տուրում Իռլանդիայի նկատմամբ տարած արտագնա հաղթանակները: Եկել է նրանց տնային հանդիպման հերթը, բայց հասկանալի պատճառով, ուկրաինացիները մեզ կընդունեն հարևան Լեհաստանում:
Խոակին Կապառոսը մեկնարկային երկու տուրում ընտրեց գրեթե նույն կազմն ու ամբողջությամբ նույն մարտավարությունը: Իռլանդիայի հետ անցավ, Շոտլանդիայի հետ՝ ոչ: Փաստ է, որ Ուկրաինայի հետ խաղում մենք կտեսնենք փոփոխված կազմ ու ինչ-որ այլ մարտավարություն: Թեկուզ այն պատճառով, որ մրցակիցն իր տեսակով կտրուկ տարբերվում է նախորդներից: Այո, ամենայն հավանականությամբ, այս անգամ էլ մրցակիցն ավելի շատ կլինի գնդակով, բայց գրոհների կառուցումն այլ կերպ է լինելու: Նաև պարզ է, որ Ուկրաինայի հավաքականի ֆուտբոլիստները տեխնիկապես գերազանցում են շոտլանդացիներին ու առավել ևս իռլանդացիներին: Դա մեր պաշտպանների համար լրացուցիչ խնդիրներ կստեղծի մեկը մեկի դեմ պայքարում: Այս պարագայում չեմ բացառում, որ մեր տղաները հաճախ են դիմելու կանոնների խախտման:
Լավ տարբերակ է նաև ուկրաինացիների ֆորա (-2) խաղադրույքը։ Նախորդ 2 խաղերում Ուկրաինայի հավաքականը ստեղծել է բազմաթիվ գոլային պահեր, սակայն խփել է ընդամենը 1 գոլ։ Կարծում եմ՝ մեր առաջիկա մրցակիցը հետևություններ արել է գոլային պահերն իրացնելու առումով։
«Գոլերի Լիգա» ու շահումային «գոլեր խփելու» հնարավորություն: Նոր ակցիա Vbet.am-ից
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: