«Ինտեր» – «Յուվենտուս»։ Ռոբերտ Գասպարյանի կանխատեսումը

Արդեն հիմա կարելի է փաստել, որ Իտալիայում չեմպիոնական մրցավազքն ավարտված է։ Թեպետ ընդամենը մի քանի օր առաջ թվում էր, որ ամեն ինչ դեռ կարող է փոխվել. «Յուվենտուսին» վերադարձվեց 15 միավորը, որը խլվել էր մրցաշրջանի ընթացքում։ Սակայն նախորդ տուրում Մաքս Ալեգրիի թիմը «Նապոլիի» հետ խաղում բաց թողեց միավորներով մրցակցին մոտենալու հնարավորությունը։ Արդեն հաջորդ տուրում «Նապոլին» կարող է չեմպիոն դառնալ։ Դրանից «Յուվենտուսի» տրամադրությունն ամենևին էլ չի ընկել. թիմը դեռ կարող է երկու տիտղոս նվաճել։ Դրանցից մեկին ավելի մոտենալու համար նախ պետք է պայքարից դուրս թողնել «Ինտերին»։

Կիսաեզրափակիչի խաղից առաջ երկու թիմերի տրամաբանությունը բարձր է։ «Յուվեն» Եվրոպա լիգայի կիսաեզրափակիչում խաղալու է «Սևիլիայի» հետ, «Ինտերին» էլ սպասվում է միլանյան դերբի Չեմպիոնների լիգայի կիսաեզրափակիչում։ Սակայն խաղային առումով դեռ պետք է աշխատել։ Եթե «Յուվեի» համար 1։0 հաշվով հաղթանակները սովորական երևույթ են, Սիմոնե Ինձագին երբեք չի եղել մինիմալիստական խաղի երկրպագուն, ու եթե չլիներ Ա սերիայի նախորդ տուրում «Էմպոլիի» նկատմամբ վստահ հաղթանակը, «Յուվենտուսը» պատասխան խաղից առաջ կունենար հսկայական առավելություն։

Հատկանշական է, որ «Էմպոլիի» հետ հաղթական խաղում դուբլով աչքի ընկավ Ռոմելու Լուկակուն, որը նախորդ անգամ Ա սերիայում աչքի էր ընկել 2-րդ տուրում։ Բելգիացի հարձակվողը պետք է չմասնակցեր գավաթային առաջիկա հանդիպմանը առաջին խաղում կարմիր քարտ ստանալու պատճառով, սակայն «Ինտերի» բողոքարկումն ընդունվել է, կարմիր քարտը՝ չեղարկվել, և Լուկակուն պատրաստ է նորից դաշտ դուրս գալ։ Այս հանգամանքը ես համարում եմ վճռորոշ։ Իտալական պարբերականները պնդում են, որ հենց Լուկակուն է սկսելու խաղը մեկնարկային կազմում։ Ենթադրում եմ, որ «Ինտերը» կանցնի եզրափակիչ, սակայն վստահ չեմ, որ դա տեղի կունենա հիմնական ժամանակում։ Ուստի իմ կարծիքով, հաղթողին 90 րոպեն չի պարզի։

Բոնուսներ և բուքմեյքերների պրոմոկոդեր