ԲԿՄԱ — «Սպարտակ». Վալերի Կարպինի կանխատեսումը

Դժվար է ինչ-որ բան խոսել թիմերի մասին, որոնք երկու ամիս պաշտոնական հանդիպում չեն անցկացրել: Ռուսաստանի գավաթում ԲԿՄԱ-ն խաղաց «Ուֆայի» հետ, բայց դա քիչ է, որպեսզի եզրահանգումներ անես թիմի պատրաստվածության մասին: Ընդ որում, «Ուֆան» այն մրցակիցը չէ, որի ֆոնին կարող ես ադեկվատ պատկերացում կազմել ԲԿՄԱ-ի ուժի վերաբերյալ: Այնպես որ, կանխատեսման մեջ հիմնվելու եմ ընդհանուր հասկացություններից:

Պետք է հասկանալ, որ սա դերբի է, իսկ դա նշանակում է, որ այստեղ ցանկացած արդյունք հնարավոր է: Շատերը սպասում են ԲԿՄԱ-ի հաղթանակին, բայց ես այդքան էլ դրանում վստահ չեմ: Սկզբունքային խաղերում «Սպարտակը» կարող է լավ խաղալ, իսկ ԲԿՄԱ-ն` դատելով մրցաշրջանի առաջին մասի վերջնամասից, ընդհանրապես անպարտելի չի համարվում: Ով է ավելի ուժեղացել, դա նույնպես հարց է: ԲԿՄԱ-ն ձեռք բերեց Շիրոկովին, ով արդեն նոր թիմի կազմում գոլեր է խփում, բայց միեւնույն ժամանակ կորցրեց Դումբիային: «Սպարտակն» իր հերթին գնեց Մելգարեխոյին, ով Ռուսաստանի Պրեմիեր լիգայի չափանիշներով լավ է հանդես գալիս:

Այստեղ խաղադրույք կկատարեի ոչ-ոքիի վրա: Թիմերից ոչ մեկը չի ցանկանում պարտվել, եւ նրանք կկիսեն միավորները, բայց միեւնույն ժամանակ հանդիսականներին կուրախացնեն խփած գնդակներով: Վերջիվերջո ստադիոնը լեփ-լեցուն է լինելու, իսկ դա հազվադեպ երեւույթ է ռուսական ֆուտբոլի համար: