«Ռոմա» – «Բուդե Գլիմտ»․ Էռնեստ Շաբոյանի կանխատեսումը
«Բուդե Գլիմտից» կրած խայտառակ պարտությունից հետո Ժոզե Մոուրինյոն խոստովանեց, որ սխալվել է երկրորդ կազմը դաշտ դուրս բերելու հարցում։ Պորտուգալացի մասնագետը նշեց, որ ստիպված է եղել նման որոշում կայացնել, քանի որ վախեցել է արհեստական խոտածածկից։ Այստեղից կարելի է ենթադրել, որ Հռոմում «Ռոման» խաղալու է մարտական կազմով։
Ընդհանուր առմամբ՝ «Գայլերն» իրենց խաղով չեն տպավորում։ A Սերիայի ընթացիկ մրցաշրջանում նրանք ոչ մի թոփ ակումբի նկատմամբ հաղթանակ չեն տարել։ Ստացվում է, որ Մոուրինյոյի գալուց հետո ոչինչ չի փոխվել, քանի որ Պաուլու Ֆոնսեկայի ժամանակ նույն վիճակն էր։
Չեմ վախենա ասել, որ «Յուրահատուկի» «պիտանելության» ժամկետն արդեն վաղուց սպառվել է։ Նա այլևս ինչպես հարկն է չի զգում խաղը։ «Միլանի» հետ դիմակայությունում Ժոզեն առաջին խաղակեսից հետո փոխարինեց Հենրիխ Մխիթարյանին և դաշտ դուրս բերեց 18-ամյա Ֆելիքս Աֆենա-Գյանին։ Հայաստանի հավաքականի ավագը, թերևս, ամենաակտիվն էր առաջին կեսում, ավելին՝ Հենրիխը լավ աշխատում էր նաև պաշտպանությունում։ Իսկ Աֆենա-Գյանի ներկայությունը ոչինչ չտվեց, տպավորություն էր, որ «Ռոման» խաղում է 10 հոգով։
Հռոմեական կոլեկտիվի խնդիրները բազմաթիվ են, այդ մասին շատ ենք խոսել։ Պաշտպանությունը հաճախ է թերանում, հենակետային գոտին կախված է 2 խաղացողից, որոնց հոգնելուց հետո սկսվում են խնդիրները։ Քիչ թե շատ նորմալ վիճակում է առջևի գիծը, սակայն օղակների միջև ներդաշնակության պակասն ուղիղ համեմատական է թիմի գրանցած արդյունքներին։
Ամեն դեպքում, «Ռոման» այս մրցավեճի ֆավորիտն է։ Մոուրինյոն, որը մարզչական կարիերայում երբեք 1։6 հաշվով չէր պարտվել, պետք է վերականգնի իր հեղինակությունը վստահ հաղթանակով։
Իհարկե, դժվար է հավատալ, որ դաշտի տերերը գոլային հրավառություն կկազմակերպեն, սակայն այս մրցավեճում առնվազն 3 գոլ հավանական է։
Ընտրում եմ «Ռոման» կհաղթի և խաղի գոլերի տոտալը կլինի 2․5-ից շատ խաղադրույքը, որի համար Vbet-ը սահմանել է 4․10 գործակիցը։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: