Կանխատեսում. «Փյունիկ» — «Վարդար» խաղում երկու թիմն էլ գոլ կխփի
«Փյունիկը» Հայաստանի Բարձրագույն խմբի նախորդ առաջնությունն ավարտեց նախավերջին՝ 5-րդ հորիզոնականում: 6 թիմ ունեցող առաջնությունում 5-րդ տեղը զբաղեցնելը նման մեծ ամբիցիաներ ունեցող թիմի համար, իհարկե, դրական և գոհացնող արդյունք չպետք է լինի: Երևանյան ակումբի ղեկավարությունը դա հիանալի հասկացավ և մրցաշրջանից հետո թիմում շատ բան է փոխվել: Նոր կոլեկտիվ է ձևավորվում: Հայաստանի առաջնության 11-ակի չեմպիոնի գլխավոր մարզիչ է նշանակվել ռուս մեծ հեռանկարներ ունեցող մասնագետ Անդրեյ Տալալաևը:
Երևանցիները շատ ակտիվ են ամառային տրանսֆերային այս պատուհանի ընթացքում: «Փյունիկի» շարքերն է համալրել 6 նոր ֆուտբոլիստ, որոնց թվում է Հայաստանի հավաքականի հարձակվող Ռուսլան Կորյանը: Այս ամենը, իհարկե, չի կարող չուրախացնել հայ ֆուտբոլասերին և այն լավ հիմնաքար է ակումբի զարգացման համար: Ճիշտ և գրագետ աշխատանքի դեպքում Բարձրագույն խմբի պատմության ամենատիտղոսակիր ակումբը կրկին կարող է լավ խաղ ցուցադրել և դրական արդյունքներ գրանցել թե՛ ներքին առաջնությունում և թե՛ եվրագավաթներում:
Ինչ վերաբերում է այս խաղին. «Փյունիկ»-ը վերակառուցվում է, հայտնի չէ, թե ինչպիսի խաղ է ձգտում ցուցադրել հայկական թիմը, ովքեր կլինեն մեկնարկային կազմում: Այս հարցերի պատասխանը որոշակիորեն կստանանք մակեդոնական ակումբի դեմ առաջին խաղում: Տալալաևի թիմն այս խաղից առաջ ուսումնամարզական հավաք է անցկացրել Մինսկում և «Մուրոմ» ու «Օլիմպիեց» ակումբների դեմ ստուգողական խաղերում միևնույն՝ 3:0 հաշվով հաղթանակներ է տարել:
«Փյունիկին» բավական փորձառու և բարդ մրցակից է բաժին հասել որակավորման առաջին փուլի համար: Մակեդոնացիները Եվրոպա լիգայի նախորդ խաղարկությունում հենց այս ճանապարհն անցնելով են մրցաշարի խմբային փուլի ուղեգիր նվաճել: «Վարդարում» են հանդես գալիս Հայաստանի հավաքականի ֆուտբոլիստներ Հովհաննես Համբարձումյանն ու Տիգրան Բարսեղյանը: Նրանք նախորդ մրցաշրջանում դարձել են Մակեդոնիայի առաջնության փոխչեմպիոն:
Մինչխաղյա մամուլի ասուլիսի ժամանակ Տալալաևն ասաց, որ անկախ մրցակցի ուժեղ լինելուց՝ իր թիմը փորձելու է բարձր պահել հայկական ֆուտբոլի պատիվը:
Կանխատեսում.
«Փյունիկն» այժմ «անկտրել ձմերուկ» է, բայց հաշվի առնելով թիմի ձեռքբերումները, մարզչական փոփոխությունը և այն, որ խաղը Երևանում է կայանալու, կարծում եմ, որ Տալալևի ֆուտբոլիստներին նվազագույնը գոլ խփել կհաջողվի: Դե իսկ «Վարդարը», ըստ իս, առանց գոլի չի հեռանա Հայաստանից: Առաջարկում եմ 1,80 գործակցով «երկու թիմն էլ գոլ կխփի» խաղադրույքը:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: