Չեխիա – Հայաստան: Էռնեստ Շաբոյանի կանխատեսումը
5 պարտություն նախորդ 7 խաղում. այսպիսին է Հայաստանի հավաքականի վիճակագրությունը:
Ալեքսանդր Պետրակովի գլխավորած թիմում դրական տեղաշարժեր չեն նկատվում: Նախորդ ցիկլի մասին շատ ենք խոսել, սակայն գլխավոր հարցը բաց է մնում. ո՞րն է մեր հավաքականի ցածր խաղամակարդակի պատճառը: Արդյոք սա ճգնաժամ է, թե օրինաչափություն:
Կոսովոյի հետ տնային մրցավեճում մեր տղաների մոտ ցանկության և նվիրվածության պակաս չզգացվեց, սակայն ժամանակակից ֆուտբոլում նվիրվածությունն ու մեծ ցանկությունը բավարար չեն խնդիր լուծելու համար:
Պետրակովը պահպանողական մարզիչ է, նա չի սիրում փորձարկումներ, ռիսկեր: Ուկրաինացի մասնագետը, ամեն դեպքում, ոչ լավ օրից, բայց շանս տալիս է որոշ ֆուտբոլիստների: Այլ բան է, թե արդյոք այդ ֆուտբոլիստները բավարարում են մարզչի պահանջները:
Կոսովոյի հետ տնային խաղում ավելի շատ հախուռն ֆուտբոլ տեսանք, քան թիմային գործողություններ: Խաղային օղակներն իրարից անկախ էին գործում: Մենք չտեսանք մեկին, որը կփորձեր առաջնորդի դեր ստանձնել խաղադաշտում:
Թե ինչ տեսավ և ինչի վրա ուշադրություն կդարձնի Պետրակովը, կիմանանք հետո, կամ չենք իմանա: Սակայն այսօր օրակարգում ավելի լուրջ հավաքական է:
Չեխերը վերջին շրջանում վատ տպավորություն չեն թողնում: 2023-ին Չեխիան 10 խաղում ընդամենը մեկ անգամ է պարտվել: Սակայն այսօրվա մեր մրցակիցը նույնպես կարևոր փուլում է: Իվան Հաշեկն ազգային թիմը գլխավորեց 2024-ին: Առաջին իսկ խաղում 60-ամյա մասնագետը զարմացրեց իր տակտիկական ճկունությամբ: Չեխիան պարտվում էր Նորվեգիային, սակայն կամային հաղթանակ տարավ:
Հաշեկը, ամենայն հավանականությամբ, ռոտացիա է կիրառելու, բայց անգամ այս պայմաններում Եվրոյին նախապատրաստվող թիմը մոտիվացիայի պակաս չի ունենալու:
Չեխերը նախորդ 10 խաղում 8 գոլ են բաց թողել: Տանտերերը սովորաբար «չոր» են պահում դարպասը կարգով ավելի ցածր թիմերի հետ խաղերում, իսկ Հայաստանի հավաքականն առջևի գծի թույլ խաղով դժվար թե կարողանա տխրեցնել մրցակցին:
Առաջարկում եմ Չեխիայի հաղթանակ 2 կամ 3 գոլով խաղադրույքը:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: