«Բուքմեյքերների Ռեյտինգ» vs ArmFootball.com. Կանխատեսումների մենամարտ. Ռաունդ 2
«Սուոնսի» — «Մանչեսթեր Յունայթեդ»
Սպարտակ Պետրոսյան. Մանչեսթերյան մղձավանջը շարունակվում է: Ժոզե Մոուրինյոյի գլխավորությամբ «ՄՅՈւ»-ն ԱՊԼ-ի նախորդ 4 հանդիպումներում հաղթանակ չի տոնել: Հինգշաբթի օրն էլ հյուրընկալվելիս պարտվեց «Ֆեներբահչեին»: Այդ խաղի միակ դրական կողմը, թերևս, Հենրիխ Մխիթարյանը վերադարձն էր խաղադաշտ: Մեր հայրենակիցը թեպետ վատ մարզավիճակում էր, բայց հաստատ ոչնչով չէր զիջում խաղադաշտում անիմաստ վազվզող մյուս 10 խաղացողներին: Հավանաբար առաջիկա խաղում նույնպես Հենրիխը կլինի պահեստայինների նստարանին:
Պորտուգալացի մասնագետը լուրջ խնդիրներ ունի: Վնասվածք ունեն պաշտպաններ Քրիս Սմոլինգն ու Էրիկ Բային, Անտոնիո Վալենսիան, որակազրկված է Անդեր Էրերան: Կասկածի տակ է նաև Պոլ Պոգբայի մասնակցությունը:
Երկու թիմերն էլ հայտնվել են ծանր կացության մեջ: «Սուոնսին» մրցաշարային աղյուսակի նկուղում է, իսկ «Յունայթեդը»՝ միջնամասում: Հաշվի առնելով մանկունյանցիների պաշտպանությունում առկա խնդիրները, կարծում եմ, որ անգամ հաղթելու դեպքում նրանք գոնե մեկ գոլ բաց կթողնեն: Առաջարկում եմ «Երկուսն էլ կխփեն — այո» խաղադրույքը: Գործակիցը՝ 1.73:
Ռաֆայել Խալաթյան. Երկու թիմերի համար էլ առաջնությունն անհաջող ընթացք ունի: Եթե «Յունայթեդը» ձախողում է իր վերջին հանդիպումները և իջել է մրցաշարային աղյուսակի միջնամաս, ապա «Սուոնսին» գտնվում է վտանգավոր գոտում, և արդեն իսկ պարզ է, որ թիմին դժվար պայքար է սպասում Պրեմիեր լիգայից դուրս չմնալու համար: Մանկունյանցիները այս մրցաշրջանում հաճախակի են խնդիրների բախվում հետնապահների հետ խաղերում ու երկար ժամանակ ստիպված են լինում գտնել դեպի մրցակցի դարպասը տանող ճանապարհները: Դա բերում է նրան, որ Մոուրինյոյի թիմը խաղերի ընթացքում բազմաթիվ անկյունայիններ է իրացնում: Կարծում եմ՝ արտագնա այս խաղը ևս բացառություն չի լինի, «Մանչեսթերը» կգրոհի, դժվարությունների կհանդիպի ու էլի շատ անկյունայիններ կիրացնի, այնպես որ առաջարկում եմ ընտրել «Մանչեսթեր Յունայթեդի» անկյունայինները 6,5-ից շատ» խաղադրույքը` 2,07 գործակցով:
«Սևիլիա» — «Բարսելոնա»
Սպարտակ Պետրոսյան. «Մանչեսթեր Սիթիից» կրած պարտությունը «Բարսելոնայի» համար հոգեբանական լուրջ խնդիր հանդիսանալ չի կարող: Կատալոնացիներն արդեն «բավարարված» էին Պեպ Գվարդիոլայի թիմին ջախջախելուց և նման «ճոխություն» կարող էին թույլ տալ: Իհարկե, պետք է անպայման ասեմ, որ այդ խաղում «Սիթին» հաղթեց, ոչ թե «Բարսան» պարտվեց:
Առաջիկա խաղին վնասվածք ունեցողների անունները մնացել են նույնը՝ Ալբա, Պիկե, Ինյեստա, Մաթյո: Տանտերերից խաղը բաց կթողնեն Ֆերնանդեսն ու Նասրին:
«Բարսելոնային» ևս մեկ ծանր հանդիպում է անցկացնում: Լուիս Էնրիկեի գլխավորությամբ կատալոնացիները Լա լիգայի շրջանակներում չեն հաղթել «Ռամոս Սանչես Պիսխուանում»: Բացի այդ, Խորխե Սամպաոլիի թիմը չի պարտվել նախորդ 6 տնային խաղերում: Ինչպես նաև պետք է նշել, որ «Բարսան» վերջին 5 արտագնա խաղերում գոլ է բաց թողել:
Առաջարկում եմ խաղադրույք կատարել «Առաջին խաղակեսում «Սևիլիայի» գոլերը տոտալ շատ 0.5-ից» իրադարձության վրա: Գործակիցը՝ 2.10:
Ռաֆայել Խալաթյան. «Սևիլյան» առաջնության մեկնարկում շատ լավ խաղ է ցուցադրում, ինչը թույլ է տալիս թիմին հետ չմնալ առաջատար եռյակից, Չեմպիոնների լիգայում էլ ակումբը վստահ քայլերով առաջ է շարժվում: «Բարսելոնան», իր հերթին, պետք է ամեն ինչ անի, որպեսզի շատ առաջ չթողնի Մադրիդի «Ռեալին», որն այս տուրում սեփական հարկի տակ խաղալու է համեստ «Լեգանեսի» հետ: Ճիշտ է, խաղի կարևորությունը մեծ է երկու թիմերի համար էլ, ու նույնիսկ մեկ սխալի արժեքը մեծ է, բայց դժվար թե թիմերը զգուշավորություն կցուցաբերեն: Կարծում եմ` «Բարսելոնան» այս խաղում չի պարտվի, իսկ խաղում 2,5 գոլից շատ կխփվի, ինչի գործակիցը 1,71 է:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: