ԱԱ-2022. Հյուսիսային Մակեդոնիա – Հայաստան. Էդուարդ Քալանթարյանի կանխատեսումը
1990-ական և 2000-ական թվականներին աշխարհի ու Եվրոպայի առաջնությունների ընտրական մրցաշարերում Հայաստանի հավաքականն անբաժան էր Ուկրաինայի ընտրանուց։ Վերջին տարիներին մեր ֆուտբոլային «ստվերն» է դարձել Մակեդոնիայի, այժմ արդեն Հյուսիսային Մակեդոնիայի հավաքականը։ Ընդ որում, այս ընտրանու հետ դիմակայություններից Հայաստանի գլխավոր թիմը զերծ չէր մնում նաև վերոնշյալ ժամանակաշրջանում։
«Մունդիալ-2022»-ի ընտրական մրցաշարում Խոակին Կապառոսի թիմը մրցակցին կհյուրընկալվի նոր կարգավիճակում։ Խմբի առաջատար լինելը պարտավորեցնող է, բայց առանց երեք առաջատար ֆուտբոլիստների հանդես գալը բարդ է։ Մխիթարյանի վերադարձը սպասված էր, բայց դեռ պետք է հասկանալ` ինչպես նրան կօգտագործի Կապառոսը։ Մակեդոնացիներն իրենց հերթին սկսում են կյանքն առանց Գորան Պանդևի։ Գումարած, Եվրոպայի առաջնության եզրափակիչ մրցաշարին մասնակցելուց հետո նրանց մոտ կարող է դատարկության որոշակի զգացում առաջանալ։ Մարզչի փոփոխությունն էլ հաստատում է «ափդեյթի» գործընթացը։ Հենց այս պահին է հարկավոր քաղել առավելագույնը։ Թիմերը միմյանց հիանալի ճանաչում են և իրար օդ չեն տալու։ Բայց, կարծում եմ, որ հարձակման գծում առկա բոլոր կադրային խնդիրներով հանդերձ Հայաստանի հավաքականը Սկոպյեում գոլ կխփի։ Ճիշտ է, չի խուսափի նաև մրցակցի գոլից։
Ընտրում եմ երկու թիմերը գոլ կխփեն խաղադրույքը։ Գործակիցը բավականին բարձր է, բայց իրադարձությունն ամենևին հրաշքների շարքից չէ։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: