Ո՞ր թիմ կտեղափոխվի Ռոնալդուն: Ամենահավանական տարբերակը «Չելսին» է
Պորտուգալացի հարձակվող Կրիշտիանու Ռոնալդուն «Մանչեսթեր Յունայթեդի» հետ պայմանագիր ունի ևս 6 ամսով՝ մինչև 2023 թվականի ամառ, սակայն իրավիճակն այնպես է զարգանում, որ պորտուգալացին ձմռանը կհեռանա անգլիական ակումբից։
37-ամյա ֆուտբոլիստը սկանդալային հարցազրուցյում հայտարարեց, որ ակումբում կան մարդիկ, ովքեր փորձում են իրեն հեռացնել թիմից։ Ավելին, պորտուգալացին ասաց, որ չի հարգում գլխավոր մարզիչ Էրիկ տեն Հագին։
«Ալեքս Ֆերգյուսոնի հեռանալուց ի վեր, ես ակումբում որևէ առաջընթաց չեմ տեսել: Ոչինչ չի փոխվել: Ես հարգանք չունեմ Տեն Հագի նկատմամբ, քանի որ նա չի հարգում ինձ։ Ես զգացի, որ ակումբում որոշ մարդիկ չեն ցանկանում, որ ես այստեղ լինեմ ոչ միայն այս տարի, այլ նաև անցյալում»,- ասել է Ռոնալդուն լրագրող Պիրս Մորգանի հետ հարցազրույցում։
Ըստ Oddschecker-ի՝ Ռոնալդուն անպայման կհեռանա «Մանչեսթեր Յունայթեդից»: Խաղադրույք կատարողների 68 տոկոսը հավատում է, որ Ռոնալդուի հաջորդ ակումբը կլինի Լոնդոնի «Չելսին»։
The Sun-ը հայտնում է, որ ամառային տրանսֆերային պատուհանի ժամանակ Ռոնալդուին իր թիմում ցանկանում էր տեսնել անձամբ ակումբի սեփականատերը, սակայն գլխավոր մարզիչ Թոմաս Տուխելը այն ժամանակ դեմ էր արտահայտվել այդ տրանսֆերին։ Այժմ գերմանացին հեռացվել է աշխատանքից, իսկ ակումբի սեփականատեր Բոուլին արդեն Ռոնալդուին ձեռք բերելու իր միտքը հայտնել է թիմի գլխավոր մարզիչ Գրեհեմ Փոթերին։
Ռոնալդուի կարիերայի շարունակության երկրորդ հավանական տարբերակը Լիսաբոնի «Սպորտինգ» վերադառնալն է։ Խաղադրույք կատարողների 24 տոկոսը հավատում է, որ պորտուգալացին կվերադառնա այնտեղ, որտեղ սկսել է իր պրոֆեսիոնալ կարիերան: Mirror-ի համաձայն՝ պորտուգալական ակումբը պատրաստ է հարձակվողի համար առաջարկ անել այս ձմռանը:
Խաղադրույք կատարողների միայն 8 տոկոսն է հավատում Ռոնալդուի՝ Մադրիդի «Աթլետիկո» տեղափոխությանը։ 2022 թվականի ամռանը մամուլում տեղեկություններ շրջանառվեցին պորտուգալացու՝ իսպանական ակումբ հնարավոր տեղափոխության մասին, բայց Դիեգո Սիմեոնեն հետագայում հասկացրեց, որ այդ տրանսֆերը գրեթե անհնար է:
Հիշեցնենք, որ Ռոնալդուն «Մանչեսթեր Յունայթեդ» է վերադարձել 2021 թվականի ամռանը։ Նախկինում նա մանկունիանցիների կազմում արդեն խաղացել է 2003-ից 2009 թվականներին։ Այս մրցաշրջանում պորտուգալացին բոլոր մրցաշարերում անցկացրել է 16 հանդիպում՝ դառնալով երեք գոլի և երկու գոլային փոխանցման հեղինակ: Ընդհանուր առմամբ, նա «Մանչեսթեր Յունայթեդի» կազմում մասնակցել է 346 հանդիպման, խփել է 145 գոլ և դարձել 64 գոլային փոխանցման հեղինակ։
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: