«Մանչեսթեր Սիթի» – «Ինտեր»։ Բուքմեյքերները ֆավորիտ են համարում Անգլիայի չեմպիոնին
Ստամբուլում հունիսի 10-ին կկայանա Չեմպիոնների լիգայի եզրափակիչը: Տիտղոսը կվիճարկեն Անգլիայի չեմպիոն «Մանչեսթեր Սիթին» ու Իտալիայի գավաթակիր Միլանի «Ինտերը»։
Բուքմեյքերական ընկերությունները ֆավորիտ են համարում Խոսեպ Գվարդիոլայի գլխավորած թիմին, որի հաղթանակը հիմնական ժամանակում գնահատվում է 1,51 գործակցով։ Իտալական ակւոմբի հաղթանակը ստացել է 4,90 գործակիցը, իսկ ոչ-ոքին՝ 4,60։
Խաղի գոլերի միջին տոտալը սահմանվել է 2,5-ից։ Շատ տարբերակի գործակիցը 1,84 է, իսկ քիչը՝ 2,06։
«Մանչեսթեր Սիթիի»՝ Չեմպիոնների լիգայի գավաթակիր դառնալու գործակիցը 1,23 է, «Ինտերինը»՝ 4,40։
Հայաստանի ազգային հավաքականի պատմության լավագույն ռմբարկու, «Ինտերի» կիսապաշտպան Հենրիխ Մխիթարյանի գոլ խփելու համար սահմանվել է 15,00 գործակիցը։ Ըստ բուքմեյքերների՝ գոլ խփելու ամենամեծ շանսերն ունեն անգլիական ակումբի բելգիացի կիսապաշտպան Կևին Դե Բրույնեն ու նորվեգացի հարձակվող Էրլինգ Հոլանդը՝ 5,00-ական գործակից։ «Ինտերից» ամենաբարձրը գնահատվում է արգենտինացի հարձակվող Լաուտարո Մարտինեսի գոլ խփելու հնարավորությունը՝ 11-00 գործակից։
Հիշեցնենք, որ Հենրիխ Մխիթարյանն առաջին հայ ֆուտբոլիստն է, որը դուրս է եկել Չեմպիոնների լիգայի եզրափակիչ:
«Մանչեսթեր Սիթի» – «Ինտեր» հանդիպումը կմեկնարկի Երևանի ժամանակով 23։00-ին։
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: