«Ինտերը» ներկայացրեց Հենրիխ Մխիթարյանին (ֆոտո)
Միլանի «Ինտերը» ներկայացրել է Հայաստանի ազգային հավաքականի նախկին ավագ Հենրիխ Մխիթարյանին: 33-ամյա կիսապաշտպանն Իտալիայի փոխչեմպիոնի կազմը համալրել է ազատ ֆուտբոլիստի կարգավիճակում՝ տեղափոխվելով «Ռոմայից»։
«Շատ ուրախ եմ նման մեծ ակումբին միանալու համար: Ամեն ինչ կանեմ ու ամեն ինչ կտամ, որ օգնեմ թիմին հասնել մեր նպատակներին»,- ֆեյսբուքյան իր էջում գրել է Մխիթարյանը։
Ոչ պաշտոնական տեղեկություններով, հայ ֆուտբոլիստի պայմանագիրն «Ինտերի» հետ նախատեսված է երկու տարով։
Անցած մրցաշրջանում Մխիթարյանը «Ռոմայի» կազմում մասնակցել է 44 հանդիպման, խփել 5 գոլ, կատարել 9 գոլային փոխանցում։
Հենրիխ Մխիթարյանի առաջին պրոֆեսիոնալ պայմանագիրը եղել է Երևանի «Փյունիկի» հետ: 2009 թվականին Մխիթարյանը տեղափոխվել է Դոնեցկի «Մետալուրգ», մեկ տարի անց պայմանագիր է կնքել «Շախտյորի» հետ, որտեղ 3 մրցաշրջան անցկացնելուց հետո տեղափոխվել է Դորտմունդի «Բորուսիա»: 2016-ին հայ ֆուտբոլիստը պայմանագիր է կնքել անգլիական «Մանչեսթեր Յունայթեդի» հետ, երկու տարի անց համալրել է Լոնդոնի «Արսենալի» կազմը, իսկ 2020 թվականին տեղափոխվել է «Ռոմա»:
Իտալիայի ավարտված առաջնությունում Հենրիխ Մխիթարյանը «Ռոմայի» կազմում մասնակցել է 31 խաղի և դարձել 5 գոլի ու 6 գոլային փոխանցման հեղինակ: Transfermarkt-ը նրա տրանսֆերային արժեքը գնահատում է 10 միլիոն եվրո։
The first Armenian in Inter’s history 🤩🇦🇲#ForzaInter #WelcomeMkhitaryan pic.twitter.com/v0OtGODTCb
— Inter (@Inter_en) July 2, 2022
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: