Ֆրանսիական FDJ-ը արդիականացման վրա 100 մլն եվրո կծախսի

Սպարտակ Պետրոսյան

Ֆրանսիական Francaise des Jeus առաջատար դրամախաղային հոլդինգը հաղորդել է մինչեւ 2020 թվականը ընկերության արդիականացման հավակնոտ ծրագրի իրականացման վրա 100 մլն եվրո ներդնելու մտադրության մասին, հաղորդում է Casinos Online-ը:

2015-ին ընկերության վաճառքն ավելացել է 5,4%-ով

Française des Jeux-ը (FDJ) ծրագրում է առանձնահատուկ ուշադրություն դարձնել թվային նոու-հաու-ի զարգացմանը: «2015-ին հաճախորդներն ամենից շատ ուշադրություն են դարձրել նորարարություններին եւ թվային տեխնոլոգիաներին՝ օգտագործելով FDJ-ի արտադրանքները: Տեխնոլոգիաների զարգացումը թույլ կտա բավարարել մեր գլոբալ հավակնությունները»,- հայտարարել է կազմակերպության գլխավոր տնօրեն Ստեֆանի Պալլեզը:

Ընկերության (որը մասնագիտանում է վիճակախաղերի կազմակերպմամբ) բոլոր գեմբլինգ-ծառայությունների վաճառքների աճը 2015-ին կազմել է 5.4%՝ հասնելով 13.7 մլրդ եվրոյի: Ինչ վերաբերում է կոնկրետ սպորտային բեթինգի ոլորտի եկամուտին (ներառյալ ԲԿՄ-ները եւ օնլայն-բուքմեյքերը), ապա ամրագրվել է 14% աճ (մինչեւ 2,3 մլրդ եվրո):

Շնորհիվ ParionSport օպերատորի նոր ծրագրի՝ օպերատորը կարողացել է իր լայնույթում ավելացնել եւս ութ մարզաձեւ: Արդիականացման ծրագրի շրջանակներում հոլդինգը մտադիր է 400 հազարով մեծացնել հաճախորդների բազան, որը ներկայումս կազմում է մոտ 3,3 մլն խաղացող: Ֆուտբոլը նախկինի պես սպորտային իրադարձությունների խաղադրույքներում զբաղեցնում է առյուծի բաժինը (70%):