Ինչպես գումար վաստակել կազինոյի վրա առանց ռուլետկային մոտենալու. Աշխարհի խոշորագույն խաղային օպերատորների ֆոնդային արդյունքները

Բորսաներում 20 լավագույն գեմբլինգ-ընկերությունների ընդհանուր շուկայական կապիտալիզացիան 2023 թվականի վերջին կազմել է 192 միլիարդ դոլար: Մեր ցուցակից 11 ընկերության արժեթղթերի արժեքը տարվա ընթացքում աճել է, իսկ 8 ընկերությանը՝ նվազել: Մեկ ուրիշը 2023 թվականին անցկացրել է IPO (բաժնետոմսերի առաջին հրապարակային առաջարկը ֆոնդային շուկայում)։

Ամերիկյան DraftKings բուքմեյքերական ընկերության գնանշումներն աճել են ավելի քան 3 անգամ (+214%)։ DraftKings-ը նախորդ տարվա երրորդ եռամսյակում առաջ է անցել իր հիմնական մրցակից FanDuel-ից՝ դառնալով ԱՄՆ առցանց-գեմբլինգի շուկայի առաջատարը։ DraftKings-ի շուկայական մասնաբաժինը եռամսյակի վերջում կազմել է GGR-ի (խաղային համախառն եկամուտ) 31%-ը, մինչդեռ FanDuel-ի մասնաբաժինը իջել է մինչև 30%:

Բացի այդ, DraftKings-ի՝ երեք եռամսյակի արդյունքով ֆինանսական ցուցանիշները գերազանցել են եկամուտի, ակտիվ լսարանի թվի և մեկ խաղացողի միջին եկամուտի վերաբերյալ կանխատեսումները, որոնք ղեկավարությունը տարվա սկզբին սահմանել էր որպես ներդրողների համար կողմնորոշիչ: 

Նաև լավ աճել են MGM Resorts-ի (Bellagio, Mandalay Bay, MGM Grand և Park MGM խաղատներ) արժեթղթերը (+34%), որի բուքմեյքերական բրենդ BetMGM-ն ամռանը գործարկվել է Մեծ Բրիտանիայում, բայց ոչ Entain-ի հետ համատեղ, որի հետ MGM Resorts-ն աշխատում է Հյուսիսային Ամերիկայում, այլ շվեդական LeoVegas մատակարարի հարթակում: Բացի այդ, այս աճի վրա ազդել է Մակաոյում Covid-ի սահմանափակումների վերացումը և ԱՄԷ-ում ազարտային խաղերի հնարավոր օրինականացումը, որտեղ MGM-ը կառուցում է իր ինտեգրված հանգստավայրը։

Մակաոյում հաջողությունները ազդել են նաև Wynn Resorts-ի արժեթղթերի աճի վրա (+10%), որին պատկանում է Wynn Macau խաղային և հյուրանոցային համալիրը. չինական պրովինցիայի խաղային եկամուտները 2023 թվականի վերջին վերականգնվել են մինչև 2019 թվականի՝ Covid-19 համաճարակից առաջ վերջին տարվա մակարդակի 85%-ը։ 

Rush Street Interactive-ի (RushBet, Betrivers, Sugar House բրենդներ) արժեթղթերը տարվա արդյունքով աճել են գրեթե մեկ երրորդով (+32%)՝ այն բանից հետո, երբ ամերիկյան օպերատորը վերականգնել է 2022 թվականի կորուստները և 2023 թվականի 3-րդ եռամսյակն ավարտել շահույթով։ Բացի այդ, RSI-ն Հյուսիսային Ամերիկայի ամենաարագ զարգացող ընկերությունների թվում զբաղեցրել է 170-րդ տեղը (Deloitte Technology Fast 500 վարկանիշային աղյուսակ):

Ոլորտի խոշորագույն ընկերությունը՝ Las Vegas Sands-ը, որին պատկանում են Լաս Վեգասում, Մակաոյում և Սինգապուրում հիմնական խաղատները, համեմատաբար կայուն տարի է ունեցել, և ընկերության բաժնետոմսերը մի փոքր թանկացել են (+1%): Ընդ որում՝ այս աճի վրա ազդել է LVS-ի հիմնադիր Շելդոն Ադելսոնի այրու՝ Միրիամ Ադելսոնի դեկտեմբերյան որոշումը, ով ընկերության ամենամեծ բաժնետերն է, վաճառել իր բաժնետոմսերի մի մասը՝ 2 մլրդ դոլար արժողությամբ՝ NBA-ի «Դալաս Մավերիկս» թիմը գնելու համար։ Դեկտեմբերին բաժնետոմսերի գինն աճել է գրեթե 10%-ով։

Genting Singapore-ի բաժնետոմսերի գինը նվազում էր արդեն երեք եռամսյակ, մինչև որ ընկերությունը նոյեմբերի կեսերին հայտարարեց, որ կձեռնարկի իր Resorts World Sentosa հանգստավայրի կապիտալ վերանորոգումը, որը կարժենա ավելի քան 1,7 միլիարդ դոլար: Հայտարարությունից հետո բաժնետոմսերը անմիջապես բարձրացան ավելի քան 10%-ով՝ տարեկան վերջնական աճը սահմանելով 2%։

Բացի այդ, Bloomberg-ի վերլուծաբանները Genting Singapore-ին համարում են 2030 թվականին Թաիլանդում առաջին կազինո հանգստավայրը բացելու հավակնորդներից մեկը։

Սինգապուրյան ընկերությանը մրցակցություն են կազմելու LVS-ը, Wynn Resorts-ը և Melco Resorts & Entertainment-ը, որը կորցրել է արժեթղթերի արժեքի մեկ քառորդը (-25%) անհաջող 3-րդ եռամսյակի պատճառով, որն ընկերությունն ավարտել է $16,3 մլն վնասով։

Լոնդոնյան բորսայում գործունեություն ծավալող Flutter-ին (FanDuel, Full Tilt Poker, Paddy Power, PokerStars) (+24%) և Entain-ին (Bwin, Coral, Ladbrokes, PartyPoker և Sportingbet) (-23%) սպասում էին արմատապես տարբեր 12 ամիսներ: Flutter-ին պատկանող FanDuel բուքմեյքերական բրենդը շատ հաջող տարի ունեցավ, չնայած երրորդ եռամսյակում կորցրեց իր առաջատարությունը առցանց գեմբլինգի շուկայում: Միևնույն ժամանակ, հոլդինգը դեռ դիտարկում է FanDuel-ը IPO դուրս բերելու հնարավորությունը՝ կապիտալ ներգրավելու և DraftKings-ի հետ ԱՄՆ-ում առաջատարության համար պայքարը շարունակելու նպատակով:

Entain-ի բաժնետոմսերը տարեսկզբից անշեղորեն անկում են ապրել՝ նոյեմբերի վերջին հասնելով երեք տարվա նվազագույնին: Աշնանն ընկերությունը 737,5 միլիոն դոլարով լուծեց իր նախկին թուրքական բիզնեսում կաշառքի գործը, բացի այդ, Մեծ Բրիտանիայի Թագավորական դատախազության հետ համաձայնագրով Entain-ը պետք է լքի բոլոր չկարգավորվող շուկաները 12 ամսվա ընթացքում:

Բացի այդ, ներդրողներն այնքան էլ դրական չեն վերաբերվել տարվա ընթացքում մի շարք ձեռքբերումների վերաբերյալ ընկերության ղեկավարության որոշումներին: Օրինակ՝ լեհական STS Group օպերատորի գնումը 870 միլիոն եվրոյով, ինչի համար ընկերությունը պահանջում էր լրացուցիչ կապիտալացում 700 միլիոն եվրոյի չափով: Տարեվերջին ներդրողների ճնշման արդյունքում Entain-ի ղեկավարությունում տեղի ունեցան կադրային փոփոխություններ, մասնավորապես ընկերության գործադիր տնօրեն Ջեթ Նիգարդ-Անդերսենը լքել է ընկերությունը։ Արդյունքում, Entain-ի արժեթղթերը մեկ շաբաթվա ընթացքում աճել են գրեթե 20%-ով:

Միանգամից մի քանի հեղինակավոր ներդրումային վերլուծաբաններ կարծում են, որ Entain-ը 2024 թվականին կարող է վերսկսել բանակցությունները MGM Resorts-ի կողմից իր գնման վերաբերյալ, եթե նոր ղեկավարությունը չշտկի իրավիճակը: 2011 թվականին MGM-ն արդեն 11 միլիարդ դոլար էր առաջարկել բրիտանական հոլդինգի ձեռքբերման համար, սակայն մերժում ստացավ։ Այս առաջարկից 3 տարի անց Entain-ի կապիտալիզացիան արդեն նվազել էր մինչև $7,9 մլրդ (-28%)։

Penn Entertainment-ի բաժնետոմսերի գինը նվազել է երեք եռամսյակի ընթացքում՝ հոկտեմբերի վերջին հասնելով մեկ բաժնետոմսի դիմաց 18,4 դոլարի: Սակայն ամեն ինչ փոխվեց ESPN Bet բուքմեյքերական բրենդի շուկա մուտք գործելով՝ ESPN մեդիա հսկայի հետ գործակցությամբ: Նոր բրենդը գործարկվել է ավելի վաղ Penn-ին պատկանող Barstool Sportsbook բրենդի ենթակառուցվածքի վրա, որը նրա սեփականատիրոջը վերադարձվել է խորհրդանշական 1 դոլարով։ ESPN Bet-ի հզոր մեկնարկի շնորհիվ Penn-ի բաժնետոմսերը երկու ամսում բարձրացան 39%-ով, սակայն դա բավարար չէր տարին եկամուտով ավարտելու համար (-16%):

Ազգային վիճակախաղի ֆրանսիական օպերատոր Française des Jeux-ը (FDJ), որը 13% կորուստ է ունեցել, աշնանը 175 միլիոն եվրոյով ձեռք բերեց ձիարշավային խաղադրույքների օպերատոր ZEturf-ը, ինչպես նաև առաջին անգամ ընդլայնեց Ֆրանսիայի սահմաններից դուրս իր գործունեությունը՝ 380 մլն. դոլարով փակելով Իռլանդիայի ազգային վիճակախաղի օպերատորի՝ PLI-ի գնման գործարքը։

Հյուրանոցների և կազինոյի ամերիկյան խոշոր Caesars Entertainment օպերատորի արժեթղթերն աճել են 13%-ով, ինչը մեծապես պայմանավորված է շատ հաջող 3-րդ եռամսյակով, որում ընկերությունն իր պատմության ընթացքում ցույց է տվել ռեկորդային EBITDA (շահույթ՝ մինչև տոկոսների, հարկերի, արժեզրկման և ամորտիզացիայի հաշվարկը)՝ 1,04 մլրդ դոլար։

Ավստրալիայի ազարտային խաղերի Tabcorp խոշորագույն ընկերությունը կորցրել է իր արժեթղթերի արժեքի գրեթե մեկ քառորդը (-22%), ինչը հիմնականում կապված է ավստրալական կարգավորիչ մարմինների կողմից խստացված կանոնների հետ: Նախորդ տարվա ընթացքում երկիրը զգալիորեն սահմանափակել է ազարտային խաղերի ոլորտի գովազդը, ինչպես նաև արգելել վարկային քարտերի օգտագործումն առցանց գեմբլինգի համար:

Շվեդական Kindred Group-ը (Unibet, Maria Casino և 32Red), որը կորցրել է 8%, ամբողջ տարվա ընթացքում շարունակել է վնասներ կրել ԱՄՆ-ում, իսկ դեկտեմբերի սկզբին խմբի ղեկավարությունը հայտարարեց հյուսիսամերիկյան ամբողջ շուկայից  ընկերության դուրս գալու մասին։ Նպատակը ռեսուրսներն ավելի քիչ մրցակցային տարածքներում վերաբաշխելն է, որտեղ Kindred բրենդերն արդեն լավ հաստատված են: Ընկերությունը Հյուսիսային Ամերիկայում իր գործունեությունը կավարտի մինչև 2024 թվականի երկրորդ եռամսյակի վերջը։ Բացի այդ, Kindred-ը մտադիր է 2024 թվականին կրճատել իր աշխատուժի մոտ 15%-ը։

American Bally’s-ը, որը ղեկավարում է 15 կազինո ԱՄՆ 10 նահանգներում, կորցրել է իր բաժնետոմսերի արժեքի ավելի քան մեկ քառորդը (-26%)՝ գրանցելով եկամտաբերության ռեկորդային երրորդ եռամսյակ, սակայն այնուհետև բախվել է դաշնային հետաքննությանը՝ կապված Չիկագոյում ազարտային խաղերի լիցենզիայի գնման հետ․ ԱՄՆ դատախազությունն ընկերությանը կասկածում է լիցենզիայի ստացման հայտ ներկայացնելու ժամանակ խարդախության մեջ: Հոկտեմբերի սկզբին Bally-ի բաժնետոմսերը հասել են տարեկան նվազագույնի՝ 7,7 դոլարի:

Շվեդական Betsson AB-ի (Betsson, Betsafe և Nordicbet) արժեթղթերն աճել են գրեթե մեկ երրորդով (+32%): Ընկերությունն ակտիվորեն ներդրումներ կատարեց մարքեթինգում և նոր գործընկերություններ հաստատեց Եվրոպայում ու Լատինական Ամերիկայում՝ դառնալով արգենտինական «Բոկա Խունիորսի», հունական ԱԵԿ-ի և այլ ակումբների հովանավորը: Տարվա երկրորդ եռամսյակում Betsson-ը հայտնել է մեկ եռամսյակում իր ամենաբարձր եկամուտի մասին` 236 միլիոն եվրո:

Կազինոյի, ձիարշավարանի և առցանց խաղադրույքների ամերիկյան օպերատոր Churchill Downs-ը հասել է իր բաժնետոմսերի գնի զգալի աճի (+28%)՝ տարվա երեք եռամսյակում սպասվածից լավ արդյունքների շնորհիվ. երրորդ եռամսյակում ընկերությունը ցույց է տվել ռեկորդային EBITDA՝ $218,2: միլիոն։

William Hill բուքմեյքերական ընկերության ձեռքբերումից հետո առաջին անգամ 888 Holdings-ի (888casino, 888poker, 888sport, Mr Green և William Hill) բաժնետոմսերը տարվա արդյունքով թանկացել են (+6%): Այնուամենայնիվ, խումբը կորուստ է ունեցել 2023 թվականի երեք եռամսյակում: Դեկտեմբերի սկզբին բրիտանական The Sunday Times-ը հայտնել էր, որ ամռանը 888 Holdings-ը մերժել է Playtech-ի՝ 700 միլիոն ֆունտ ստեռլինգի դիմաց գնման առաջարկը, մինչև այդ Financial Times-ը հայտնել էր հոլդինգը DraftKings-ին վաճառելու բանակցությունների մասին:

Հարավային Կորեայի պետական ​​օպերատոր Kangwon Land-ը վերջին տարվա ընթացքում կորցրեց իր բաժնետոմսերի արժեքի գրեթե մեկ երրորդը (-31,6%) ընկերության ֆինանսական կորուստների պատճառով, որը 3-րդ եռամսյակի վերջում գերազանցեց 1 միլիարդ դոլարը: 2024 թվականին Kangwon Land-ը կմտնի Ֆիլիպինների շուկան որպես խաղային սարքավորումների մատակարար։

Իտալական խոշորագույն Lottomatica օպերատորը դարձավ գեմբլինգի ոլորտի միակ խոշոր ընկերությունը, որը նախորդ տարի IPO իրականացրեց Միլանի ֆոնդային բորսայում: Առևտուրը սկսվեց մեկ բաժնետոմսի դիմաց 9 եվրոյից, և ի վերջո ընկերությունը գնահատվեց 2,7 միլիարդ եվրո:

Տարեվերջին իտալական օպերատորը հայտարարեց 500 միլիոն եվրո պարտատոմսերի թողարկման մասին՝ SKS365 բեթթինգ-հարթակի ձեռքբերումը ֆինանսավորելու համար:

Շուկայի վերլուծաբաններն ակնկալում են շատ ավելի մեծ IPO 2024 թվականին՝ շնորհիվ Fanatics-ի, որը վերջապես 2023 թվականին մտավ բեթթինգի շուկա՝ ամռանը 225 միլիոն դոլարով ձեռք բերելով ավստրալական PointsBet բուքմեյքերական ընկերության ամերիկյան բիզնեսը. Fanatics-ը ներկայումս գնահատվում է 31 միլիարդ դոլար, ինչը պոտենցիալ կերպով կարող է նրա IPO-ն դարձնել խոշորագույնն այս տարում։