Բուքմեյքերներ. «Ռեալը» ՉԼ-ի 2017/18թթ. մրցաշրջանի ֆավորիտն է

Ազատ Շահբազյան

Օրեր առաջ տեղի ունեցավ Չեմպիոնների լիգայի 2017/18թթ. մրցաշրջանի խմբային փուլի վիճակահանությունը: Հիմա, երբ հայտնի են բոլոր խմբերն ու մասնակիցները, բուքմեյքերները գնահատել են եվրոպական ամենահեղինակավոր ակումբային մրցաշարում թիմերի հաղթանակի հասնելու շանսերը: Մասնագետների կարծիքով` գլխավոր հավակնորդը վերջին 2 տարիների չեմպիոն Մադրիդի «Ռեալն» է:

Vivaro բուքմեյքերական ընկերությունը «արքայական» ակումբի հաղթանակի շանսերն ամենաբարձրն է գնահատում: Այն բանի հավանականությունը, որ Զիդանի թիմը 3-րդ տարին անընդմեջ կտիրանա գավաթին, գնահատվում է 4,50 գործակցով:

«Բարսելոնան», «Բավարիան» և «ՊՍԺ»-ն մադրիդյան ակումբից հետո Չեմպիոնների լիգան հաղթելու գլխավոր թեկնածուներն են: Նրանց չեմպիոնական շանսերը գնահատվում է 8,0 գործակցով: 12,0 գործակցով կարելի է խաղադրույք կատարել մանչեսթերյան 2 ակումբների` «Սիթիի» և «Յունայթեդի» չեմպիոնության վրա:

Նախորդ մրցաշրջանի եզրափակչի մասնակից Թուրինի «Յուվենթուսի» հաղթանակի շանսերը գնահատվում են 15,0 գործակցով, իսկ «Չելսիինը» ու «Աթլետիկոյինը»` 17,0: Ի դեպ, վերջին 2 թիմերը նույն խմբում են ընդգրկված:

Մասնագետների կարծիքով Չեմպիոնների լիգայի առաջիկա մրցաշրջանի ամենաթույլ թիմը սլովենական «Մարիբորն» է, որի չեմպիոնությունը գնահատվում է անհավանական` 1000,0 գործակցով: Երկրորդ ամենաքիչ շանսեր ունեցող թիմն ադրբեջանական «Ղարաբաղն» է, որի չեմպիոնական շանսերը հայկական բուքմեյքերը գնահատում է 751,0 գործակցով:

Խաղադրույքներ են ընդունվում նաև մրցաշարի լավագույն ռմբարկուի վերաբերյալ: Հաղթողի ամենահավանական թեկնածուն Կրիշտիանու Ռոնալդուն է (5,00), ում հաջորդում է «Բարսելոնայի» առաջատար Լիոնել Մեսսին (6,50): Բարձր են գնահատվում նաև Լևանդովսկու (9,00), Նեյմարի (13,0) և Կավանիի (15,0) շանսերը:

Հաղթողի, լավագույն ռմբարկուի և այլ հատուկ իրադարձությունների վերաբերյալ բոլոր խաղադրույքներին կարող եք ծանոթանալ այստեղ: