«Յուվենտուս» – «Սպեցիա»։ Ռոբերտ Գասպարյանի կանխատեսումը
«Յուվենտուսն» Իտալիայի առաջնության մեկնարկային 3 տուրից միայն մեկում է հաղթել։ Գալիք խաղում Մաքս Ալեգրիի թիմը կընդունի «Սպեցիային»։ «Յուվեն» փորձելու է բարելավել իր դիրքերը մրցաշարային աղյուսակում, իսկ «Սպեցիան» կաշխատի գլխիկոր չհեռանալ Թուրինից։
Մասիմիլիանո Ալեգրիի թիմը լավագույն կերպով չի սկսել առաջնությունը: Սկզբում «Յուվենտուսը» իր դաշտում վստահորեն հաղթեց «Սասուոլոյին» 3:0 հաշվով: Բայց հետո չկարողացավ «գլուխ հանել» «Սամպդորիայի» պաշտպանությունից հյուրընկալվելիս՝ 0:0, ապա իր դաշտում չսեղմեց «Ռոմային» (1:1): «Բյանկոներիները» դեռ խնդիրներ ունեն գոլային պահերի ստեղծման և իրացման հետ։
«Յուվենտուսի»` մեկնարկային տուրերում անհաջողության հիմնական պատճառը վնասվածքների մեծ թիվն է։ Ֆեդերիկո Կյեզան դեռ լազարեթում է, իսկ Անխել Դի Մարիան, որը հիանալի տեսք ուներ «Սասուոլոյի» դեմ խաղում ու գոլ + փոխանցում կատարեց, մկանային վնասվածքի պատճառով բաց կթողնի երրորդ խաղն անընդմեջ։ Հասկանալի է, որ երբ այս երկու կատարողները վերադառնան խաղադաշտ, «Յուվենտուսի» հարձակման գիծը շատ ավելի արդյունավետ կլինի։ Էլ չենք խոսում Լեո Բոնուչիի բացակայության մասին։
«Սպեցիան» այժմ մարզում է Լուկա Գոտին, ու նրա հետ թիմը հիանալի է մեկնարկել առաջնությունում: Մեկնարկային երեք տուրերում «Սպեցիան» ընդամենը մեկ ձախողում ունի՝ արտագնա 0։3 հաշվով պարտություն «Ինտերից»: Բացի դրանից, «Արծիվներն» իրենց խաղադաշտում 1։0 հաշվով հաղթեցին «Էմպոլիին» և միավոր փախցրին «Սասուոլոյի» հետ խաղում՝ 2։2: Գոտիի պաշտպանական ոճը, կարծես, լիովին համապատասխանում է «Սպեցիային», և 4-րդ մրցաշրջանն անընդմեջ Ա Սերիայում մնալու հեռանկարը անիրատեսական չի թվում:
Այո, «Յուվենտուսը» մեկնարկային 3 տուրերում բազում միավորներ է կորցրել, սակայն «Սպեցիայի» հետ տնային հանդիպումը հիանալի հնարավորություն է «Բյանկոներիների» համար՝ բարելավելու իրենց դիրքը մրցաշարային աղյուսակում: Հարձակման հետ կապված խնդիրները «Յուվեին» թույլ չեն տա շատ գոլ խփել, ուստի հանդիպումը, ամենայն հավանականությամբ, կստացվի սակավագոլ, բայց, այնուամենայնիվ, կավարտվի թուրինյան գրանդի հաղթանակով:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: