Թուրքիա — Ռուսաստան. Ռոբերտ Գասպարյանի կանխատեսումը

Քաղաքական մրցահարթակը վերջին տարիներին անհանգիստ էր: Մասնավորապես, դիվանագիտական բավական լարված հարաբերությունների մեջ էին Թուրքիան և Ռուսաստանը: Սակայն, ի վերջո երկար բանակցություններից հետո ամեն խնդիր կարգավորվեց, ու հավանաբար որոշվեց` այդ իրադարձությունն արժե նշել: Մի լավ նշել ֆուտբոլային ընկերական խաղով:

Եվրո 2016-ի սարսափելի և խայտառակ ելույթից հետո անհնար էր ակնկալել, որ Լեոնիդ Սլուցկին կպահպանի իր պաշտոնը: Այդպես էլ եղավ: Ռուսական ֆուտբոլի ղեկավարությունը որոշեց պաշտոնանկ անել կրկնակի աշխատանքով ապահովված Սլուցկուն: Նշանակվեց նոր գլխավոր մարզիչ: Ստանիսլավ Չերչեսովը դարձավ գլխավոր մարզիչ և կազմեց նոր թիմ: Այստեղից ջնջվեց հավերժ «դինոզավր» Սերգեյ Իգնաշևիչի անունը, հավաքական չհրավիրվեց Բերեզուցկիներից մեկը: Թիմում են նոր, երիտասարդ ֆուտբոլիստներ, ովքեր պատրաստ են նոր շունչ տալ ռուսական ֆուտբոլին:

Մեր հարևան երկրի հավաքականի կազմում փոփոխություններն անհամեմատ ավելի լուրջ են: Թեպետ, այստեղ մարզչական կազմը չի փոխվել, սակայն կազմում կան բազում նոր անուններ: Հարկ է նշել, որ չկան ընդգծված առաջատարներ Արդա Թուրանն ու Բուրաք Յիլմազը: Ընտրանու հնաբնկաներ Սելջուկ Ինանն ու Հական Բալթան ևս դուրս են մնացել կազմից:  Իսկ դա նշանակում է, որ խաղը կարող է ունենալ անկանխատեսելի ու հետաքրքիր ընթացք, ինչը չի բացառում նաև գոլային առատություն:

Քանի որ հանդիպումը կայանալու է Թուրքիայում, առավել քան ակնհայտ է, որ ֆավորիտը համարվելու է հենց տանտերը: Բացի դրանից, Ռուսաստանի հավաքականը կազմավորվել է բացառապես 0-ից ու նոր գլխավոր մարզչի ուղեկցությամբ առաջին հանդիպումը պետք է անցկացնի: Մի խոսքով` ֆավորիտը Թուրքիան է: 2,81 գործակցով «Թուրքիայի հաղթանակ և գոլերը 3,5-ից քիչ»: