«Օսասունա» – «Բարսելոնա»․ Կոնստանտին Գենիչի կանխատեսումը

Չավին, պարզվում է, որ հրաշագործ չէ և չէր կարող կախարդական փայտիկով այնպես անել, որ բոլոր ֆուտբոլիստները սկսեին լավ խաղալ։ Այո, «Բարսելոնան» հայտնվել է Եվրոպա լիգայում։ Թիմը Լա Լիգայի նախորդ տուրում պարտվել էր «Բետիսին»։ Կատալոնացիները չեն կարողանում գոլ խփել։ Նույնիսկ գոլային պահեր շատ չեն ստեղծում։ «Վիլյառեալի» դեմ 3։1 հաշվով հաղթանակը չի թաքցնում թիմի խնդիրները։

«Օսասունան» նույնպես խնդիրներով է մոտենում այս խաղին։ Պամպլոնան ներկայացնող թիմը շատ լավ էր մեկնարկել ընթացիկ մրցաշրջանում և նույնիսկ բարձրացել էր 5-րդ տեղ, բայց հետո թուլացրեց տեմպը։ 7, թե 8 խաղ է թիմը չի հաղթում։ «Օսասունան» նույնիսկ վերջին շրջանում բավարար արդյունքներ չի գրանցում, բայց այնքան էլ վատ հանդես չի գալիս պաշտպանությունում։

Հաշվի առնելով «Բարսելոնայի» խնդիրները հարձակման գծում և «Օսասունայի» պաշտպանական գծի լավ խաղը՝ կարելի է այս հանդիպման համար ընտրել գոլերի տոտալը 2․5-ից քիչ խաղադրույքը։ «Բարսելոնայի» կազմում վնասվածք ունեն Ժորդի Ալբան և Մեմֆիս Դեպայը։

Հիմնական կանխատեսումից բացի, ունեմ ևս մեկ տարբերակ։ «Բարսելոնայի» գոլերի տոտալը 1․5-ից քիչ խաղադրույքը՝ 1․78 գործակցով։ «Օսասունան» «Ռեալի» հետ գոլազուր ոչ ոքի էր խաղացել, և «Բարսելոնայի» համար բավականին բարդ հանդիպում է սպասվում։ Կարծում եմ, որ այս «Բարսելոնան» վերոնշյալ խնդիրների պատճառով չի կարող մեկից ավելի գոլ խփել «Օսասունայի» դեմ խաղում։