«Մաքաբի» – «Ալաշկերտ». Ռոբերտ Գասպարյանի կանխատեսումը
Հայկական ակումբային ֆուտբոլի պատմության մեջ նշանակալի իրադարձություն է սպասվում։ Երկրի գործող չեմպիոն «Ալաշկերտը» կանցկացնի իր առաջին հանդիպումը եվրոպական ակումբային մրցաշարի խմբային փուլի շրջանականում։ Ալեքսանդր Գրիգորյանի տղաները կփորձեն իրենց առաջին փորձությունը հաղթահարել Իսրայելում՝ արտագնա հանդիպում անցկացնելով Թել-Ավիվի «Մաքաբիի» հետ։
Պատրիկ Վան Լիվենի տղաներն այս մրցաշրջանը սկսել են ոչ այնքան հաջող։ Ներքին ասպարեզում թիմն առայժմ հաղթանակ չի տարել։ Լոկալ գավաթի խաղարկությունում թիմը պարտվել է Բեր-Շեվայի «Հապոելին», իսկ նոր սկսված առաջնությունում Իսրայելի ամենատիտղոսակիր թիմը 2 տուրից հետո ունի միայն 1 միավոր։ Պաշտպանությունում կան խնդիրներ. ձախ եզրի «մշտական բնակիչ» Էնրիկ Սաբորիտը վնասվածք ունի ու չի մասնակցի այս հանդիպմանը։
«Ալաշկերտի» գործերն, այնպես չէ, որ ավելի լավ են ընթանում։ Թիմը նոր մեկնարկած մրցաշրջանում, որն իրենից ներկայացնում է նաև եվրագավաթային մրցավեճերը, տարել է ընդամենը 2 հաղթանակ, այն էլ՝ լրացուցիչ ժամանակում։ Ներքին առաջնության առաջին 4 խաղերում «Ալաշկերտը» կրել է 3 պարտություն ու գրանցել միայն 1 ոչ ոքի։
Թե ինչի հաշվին կարող է «Ալաշկերտը» մրցակցի հարկի տակ խուսափել պարտությունից, դժվարանում եմ ասել։ Կարծում եմ՝ «Մաքաբին» կհաղթի, ու դա կանի մեծ վստահությամբ, առնվազն՝ 2 գոլի առավելությամբ։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: