«Լեգանես» — «Բարսելոնա»․ Կոնստանտին Գենիչի կանխատեսումը

Վերցնում ենք Պրիմերայի առաջատար «Բարսելոնայի» մասնակցությամբ հանդիպումը։ Կատալոնացիները խաղալու են «Լեգանեսի» դեմ։ «Լեգանեսին» շատ են գովում, ասում են, որ Գարիտանոյի թիմը լավ է խաղում, հատկապես պաշտպանությունում։ Թիմը շատ քիչ է բաց թողնում, բայց վերջին խաղերում սկսեց վատ հանդես գալ։ Երկու անընդմեջ պարտություն՝ «Սևիլիայից» և «Վալենսիայից»։ Ճիշտ է, 2 պարտություններն էլ դրսում էին, և այնտեղ «Լեգանեսը» պետք է պարտվեր։

Կարծում եմ, որ «Լեգանեսը» «Բարսելոնային» էլ պետք է պարտվի։ Բայց «Բարսան» այնքան էլ շատ գոլեր չի խփում։ Վերջին խաղերում Վալվերդեի թիմն ավանդաբար 2 գոլ է խփում․ 2։0 «Մալագայի» և «Աթլետիկի» դեմ, 2։1 տանը՝ «Սևիլիայի» դեմ, չնայած այնտեղ «բլաուգրանան» կարող էր ավելի շատ խփել, իսկ մրցավարն իր հերթին մի քանի 11 մետրանոց չնշանակեց։

Բայց հիմա բարդ արտագնա խաղ է սպասվում «Բարսելոնային»։ Մրցակիցը լավ է պաշտպանվում, բայց կարգը մնում է կարգ։ Մեսսին այնքան էլ հոգնած չէ, մանավանդ որ ընդամենը 1 խաղ է անցկացրել հավաքականում՝ Ռուսաստանի դեմ «Լուժնիկիում»։ Նա պետք է լավ վիճակում լինի։ Դա կարելի է ասել նաև «Բարսելոնայի» մյուս ֆուտբոլիստների մասին, ովքեր հավաքականներից են վերադարձել։ Նախորդ մրցաշրջանում կատալոնացիները հյուրընկալվելիս 5 գոլ խփեցին «Լեգանեսին», բայց հիմա «Բարսելոնան» այնպիսի տեսք չունի, որ 5 գոլ խփի, իսկ «Լեգանեսը», կարծում եմ, այդքան բաց չի թողնի։

Տոտալ 3,5-ից քիչ գոլով վերցնում եմ հյուրերի հաղթանակը։ Գործակիցը 1,94 է։ 2։0 կամ 2։1 հաշիվները լրիվ հավանական են։ «Բարսան» կվաստակի 3 միավոր, կպահպանի առաջատարությունն ու կպատրաստվի Չեմպիոնների լիգային։