Goal.com-ի կանխատեսումը. «Սթոք Սիթին» առաջին խաղակեսում գոլ կխփի «Ման. Յունայթեդին»
Goal.com-ի փորձագետ Ֆիլ Կիտրոմիլիդիսը կանխատեսում է արել ԱՊԼ-ի 18-րդ տուրի «Սթոք Սիթի» — «Մանչեսթեր Յունայթեդ» խաղի վերաբերյալ: Նա կարծում է, որ տանտերերը առաջին խաղակեսում գոլ կխփեն:
Լուի վան Գալը գնում է «Բրիտանիա» ստադիոն քաջ գիտակցելով, որ միավորների կորուստը կարող է լուրջ հետևանքներ ունենալ: «Յունայթեդը» վերջին 6 խաղերում չի կարողացել հաղթանակ տոնել: Այս ամենի արդյունքում թիմը դուրս մնաց ՉԼ-ից, իսկ ԱՊԼ-ում նահանջեց 5-րդ հորիզոնական: Չորրորդ անընդմեջ պարտությունն անկասկած, ավելի մեծ ճնշում կստեղծի հոլանդացի մասնագետի վրա:
«Սթոք Սիթին», իր հերթին, վերջին խաղերում հրաշալի է հանդես գալիս սեփական դաշտում: Այո, թիմը վերջին տնային խաղում պարտվեց «Կրիստալ Փելասին», բայց հաղթել է նախորդ 3 խաղերում, այդ թվում նաև «Մանչեսթեր Սիթիին»:
Չնայած նրան, որ «Յունայթեդը» վատ է հանդես գալիս այս մրցաշրջանում, մանկունիացիները հուսալի տեսք ունեն պաշտպանությունում: Այնուամենայնիվ, «կարմիր սատանաները» վերջին 5 խաղերից չորսում չեն կարողացել անառիկ պահել սեփական դարպասը:
Տանտերերին վերջին 23 տնային խաղերից քսանում հաջողվել է գրավել մրցակցի դարպասը: Այս ամենը հաշվի առնելով, «Սթոք Սիթիի» գոլն առաջին խաղակեսում հետաքրքիր խաղադրույք է: Այն աշխատել է «Սթոքի» վերջին 6 տնային խաղերից երեքում, իսկ «Յունայթեդը» վերջին 5 խաղերից չորսում առաջին խաղակեսում գոլ է բաց թողել:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: