«Ֆիորենտինա» – «Ռոմա». Ռոբերտ Գասպարյանի կանխատեսումը
«Ռոման» ու «Ֆիորենտինան» իրենց ուժերը չափել են դեռևս Իտալիայի այս տարվա առաջնության առաջին տուրում։ Ծայրահեղ լարված ու գերհետաքրքիր խաղում ավելի ուժեղ էին Հռոմի գայլերը։ Ժոզեի թիմին հաղթանակ պարգևեցին Մխիթարյանի ու Վերետուի գոլերը։ Պատասխան խաղում Հենոն չի խաղալու վնասվածքի պատճառով, իսկ Վերետուն կորցրել է տեղը մեկնարկային կազմում։ Սակայն ստեղծված հանգամանքները կարող են ստիպել «Յուրահատուկին» նորից ապավինել ֆրանսիացի կիսապաշտպանի օգնությանը։
Կոնֆերենցիաների լիգայի եզրափակիչի ուղեգիրը «Ռոման» նվաճեց «Լեսթերի» հետ ծայրահեղ լարված խաղում՝ վատնելով ահռելի էներգիա։ Ուստի պահատական չէ, որ դրան նախորդող և հաջորդող խաղերում «Ռոման» ելույթները սովորականից թույլ են։ Ներքին առաջնությունում «Գայլերը» վերջին անգամ տանջամահ լինելով հաղթել են «Սալերնիտանային»։ Դրանից հետո գրանցված 2 հաղթանակները թեպետ գրանցվել են սեփական հարկի տակ, սակայն ոչ Իտալիայի առաջնությունում։ «Նապոլիի» հետ ոչ-ոքին կարող է ընդունելի լինել, սակայն «Բոլոնիայի» պես մրցակցին Մոուրի թիմը պետք է հաղթեր։ Ամեն դեպքում, առաջիկա խաղին «Ռոման» մոտենում է շատ հոգնած, բայց բավական բարձր տրամադրությամբ։
«Ֆիորենտինան» տասնամյակներ շարունակ ապացուցում է. երկրորդ շրջանում այս թիմի ֆուտբոլիստների հետ մի բան կատարվում է։ «Մանուշակները», ունենալով հաջորդ տարի Եվրոպայում հանյտնվելու լավ հեռանկարներ, ծայրահեղ անհաջող են անցկացնում առաջնության գարնանային հատվածը։ Ավանդույթի համաձայն՝ «Ֆիորենտինան» զիլ է խաղում գավաթում, սակայն այս անգամ էլ մրցաշարի եզրափակիչը մնաց երազանք։ «Յուվենտուսին» պարտվելուց հետո «Մանուշակները» իրար հետևից ներքին առաջնությունում պարտվեցին 3 անգամ։ «Միլանից» պարտությունը, դեռ ոչինչ, սակայն «Ուդինեզեին» 0։4 կամ «Սալերնիտանային» 1։2 հաշիվներով պարտվելն ի՞նչ է նշանակում։
Իտալական ԶԼՄ-ները «Ֆիորենտինայի» վատ մարզավիճակը կապում են ակումբի առանցքային կիսապաշտպան Գաետանո Կաստրովիլիի ծանր վնասվածքի հետ։ Ակնհայտ է, որ մրցաշրջանի ընթացքում Դուշան Վլահովիչին կորցրած թիմի ելույթները պետք է վատանային։ Նրան փոխարինած Կաբրալը ոչ մի կերպ չի արդարացնում սպասելիքները։ Բայց «Ռոմայում» առկա խնդիրներն ու հոգնածությունը կարող են բացել Կաբրալի շնչառությունը։ Հավատում եմ, որ «Ֆիորենտինան» գոլ կխփի։ Իսկ այս «Ռոմայի» հարցով կասկածներ կան։
15 000 000 դրամ մրցանակային ֆոնդով Predictor մրցաշար Vbet.am-ից
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: