«Դեպորտիվո» — «Բարսելոնա». Կոնստանտին Գենիչի կանխատեսումը

Այն, ինչ այս շաբաթ եղավ «Բարսելոնայի» հետ, չունի տրամաբանական բացատրություն: Դե, բացառությամբ նրա, որ գերմանացի մրցավար Դենիզ Այտեկինը սխալվեց: Բայց դա դժվար ինչ-որ մեկը հիշի 10 տարի հետո: Բոլորը կհիշեն, որ «Բարսան» վեց գոլ է խփել, դրանցից երեքը վերջին յոթ րոպեներին՝ եթե հաշվենք ավելացված ժամանակը:

Նման բաները չեն կարող հետք չունենալ, եթե մենք խոսում ենք էմոցիաների մասին: Հաջորդ հանդիպմանը շատ ավելի դժվար կլինի դուրս գալ, մանավանդ մրցակցի դեմ, որը չի փայլում և մոտ է լքմանը:

Սակայն «Դեպորտիվոն» երեք խաղ անընդմեջ չի պարտվում: Թիմի նոր գլխավոր մարզիչը Պեպե Մելն է: Հաջողվեց դրսում հաղթել Խիխոնի «Սպորտինգին», կարևորագույն հանդիպում էր: «Բետիսի» հետ, որը Պեպե Մելի նախկին թիմն է, բախտը բերեց. ավելացված ժամանակում վիճելի 11 մետրանոց նշանակվեց: Եթե վերցնենք «Դեպորի» հետ վերջին խաղերը՝ դրանք այդքան էլ արդյունավետ չեն:

«Բարսելոնայի» անհավանական քամբեքի պատմությունը տանում է այն մտքին, որ կատալոնացիները դժվար ամեն ինչ անեն Լա-Կորունյայում հաղթելու համար, թեև վերջին տարիներին այնտեղ շատ հաջող և արդյունավետ են խաղում:

«Բարսային», իհարկե, չի կարելի նահանջել, քանզի «Ռեալը» դեռ «Սելտայի» հետ պահեստային խաղ ունի և կարող է վերադարձնել առաջատարությունը: Ամենայն հավանականությամբ, «Բարսան» կհաղթի, բայց չեմ զարմանա, եթե այն միավորներ կորցնի: Ամեն դեպքում, գոլերի տարափ չեմ սպասում, այդ պատճառով առաջարկում եմ «գոլերը տոտալ 3,5-ից քիչ» տարբերակը: Այո, վերջին շրջանում այս մրցակիցների միջև խաղերում նվազագույնը չորս գոլ է եղել, բայց հիմա իրավիճակն արտասովոր է: «Բարսելոնան» շատ էմոցիաներ թողեց «ՊՍԺ»-ի հետ խաղում: