«Բարսելոնա» — «Դեպորտիվո». Ռոբերտ Գասպարյանի կանխատեսումը

Իսպանիայի առաջնությունում վերջին օրերին հարաբերական հանգիստ է։ Մրցավարներից ու երկրպագուների վարքից բողոքող չկա, կարմիր քարտ ստացող չկա, 11-մետրանոց պահանջող չկա։ Այդ բրիգադը նախօրեին հաղթեց Աշխարհի ակումբային առաջնությունում։ «Ռեալն» այս տուրի խաղը բաց է թողնում և պայքարին կվերադառնա հաջորդ շաբաթ՝ անմիջապես Էլ Կլասիկոյի ժամանակ։

Մինչ այդ «Բարսելոնան» պիտի ամեն ինչ անի, որպեսզի «Ռեալից» պոկվի առավելագույն չափ տարբերությամբ։ «Դեպորտիվոյին» հաղթելու դեպքում Վալվերդեի թիմը «Ռեալին» կգերազանցի 11 միավորով։ Այնպես չէ, որ «Դեպորից» սխրանք են սպասում։ Թիմը նոյեմբերի սկզբից ի վեր հաղթել է միայն 1 խաղում, բայց մյուսներում էլ մոտ էր 3 միավորին, սակայն մարզական բախտը նրա կողմը չէր։ Այս պահին Գալիսիա երկրամասի թիմը 17-րդն է և ցանկացած պարագայում չի կորցնի այդ դիրքը։

«Բարսելոնան» այս խաղում չի կարողանա հույս դնել Դեմբելեի և Ումտիտիի վրա։ Վնասվածք է ստացել նաև Դեուլոֆեուն։ Ամենայն հավանականությամբ, այսօր մենք չենք տեսնի Բուսկետսին։ Նա որակազրկման վտանգի տակ է (դեղին քարտեր) և Վալվերդեն նրան կխնայի Կլասիկոյի համար։ Լավ նորություն՝ Ինիեստան շարք է վերադարձել։

«Բարսան» հաղթելու մոտիվացիայի պակաս չունի, իսկ «Դեպորը» կանի ամեն ինչ, որպեսզի օգտվի մրցակցի կադրային խնդիրներից: Առաջարկում եմ «երկուսն էլ կխփեն» խաղադրույքը: Գործակիցը 1,89 է: