«Բարնլի» — «Մանչեսթեր Յունայթեդ». Ռոբերտ Գասպարյանի կանխատեսումը

Մոուրինյոյի թիմի համար մրցաշրջանը սարսափելի ավարտ ունեցավ: Այո, թիմը հաղթահարեց «Անդերլեխտի» արգելքը և Եվրոպա լիգայի կիսաեզրափակչում է, բայց հետո՞, ի՞նչ է անելու առանց Զլատան Իբրահիմովիչի և Ռոխոյի: Այս երկուսի համար մրցաշրջանն ավարտված է: Ընդհանրապես, հնարավոր է, որ Իբրահիմովիչն այս տարի խաղադաշտ դուրս չգա, իսկ առավել վատատեսները պնդում են, որ Իբրահիմովիչն այլևս խաղադաշտ դուրս չի գա, քանի որ կտրել է ծնկի խաչաձև կապանները և հետևի, և առջևի հատվածից:

«Յունայթեդն» արդեն 22 տուր չի պարտվել: Դա ռեկորդ է: Այսպիսի ցուցանիշներ գրանցող թիմերը սովորաբար չեմպիոն են դառնում, բայց «Յունայթեդի» դեպքում դա արդեն անիրական է: Փոխարենը «կարմիր սատանաները» պայքարում են լավագույն քառյակ մտնելու համար: Չկան Ռոխոն, Սմոլինգն ու Ֆիլ Ջոնսը: Անհասկանալի է, թե ով է խաղալու պաշտպանության կենտրոնում: Հարձակման գծում ամենայն հավանականությամբ խաղադաշտում կտեսնենք Ռունիին: Գրեթե բոլոր բրիտանական լրատվամիջոցները պնդում են, որ Մխիթարյանն այս խաղում Մոուրինյոյի ջոկերն է լինելու: Ասում են, որ Հենոն այսօր փոխարինման դուրս կգա:

Ինչ վերաբերում է «Բարնլիին», ապա այստեղ հարցականի տակ է միայն Վոքսի և Արֆիլդի մասնակցությունը: Փոխարենը ապաքինվել է Գուդմունսոնը և լեգենդար Ջո Բարտոնը: Նրանք լինելու են մեկնարկային կազմում:

Կարծում եմ, որ «Մանչեսթերն» այսօր անպայման կհաղթի, անկախ նրանից, թե ինչ խնդիրներ ունի: Առաջարկում եմ «կարմիր սատանաների» հաղթանակն ու տոտալ 3,5-ից քիչ գոլը: Գործակիցը 2,15 է: