Ամենօրյա էքսպրեսս. Խաղում ենք 10,54 գործակցով
«Ռոստով» — «Բավարիա»
Մյունխենցիների համար բարդ կլինի, բայց հաղթել է պետք: Ռոստովում եղանակային պայմանները ֆուտբոլ խաղալու համար բարենպաստ չեն: Ռուսները, ի տարբերություն «Բավարիայի», սովոր են ցուրտ եղանակին: Անչելոտտիի թիմը խաղալու է միայն ու միայն հաղթանակի համար: Ռոստովում միավոր կորցնելու դեպքում «գերմանական մեքենան» կարող է զրկվել խմբում առաջին հորիզոնականը գրավելու հույսից:
Չնայած ռոստովյան ակումբն ընդամենը 1 միավոր է վաստակել, բայց վատ հանդես չի գալիս: Մեկնարկային տուրում «Բավարիային» 0:5 հաշվով պարտվելուց հետո ռուսական ակումբը ոչ-ոքի խաղաց հոլանդական ՊՍՎ-ի դեմ, այնուհետև «Աթլետիկոյի» դեմ երկու խաղերում պարտվեց, բայց բավական համարձակ ու կազմակերպված խաղ ցուցադրեց: Դանիլյանցի թիմը լավ է պաշտպանվում:
Չնայած նրան, որ «Բավարիայի» մի քանի առաջատարներ չեն մասնակցի հանդիպմանը, այնուամենայնիվ, կարծում ենք, որ Անչելոտտիի թիմը կհաղթի: Փլեյ-օֆֆի ուղեգիրն արդեն գերմանացիների գրպանում է, բայց կասկած չկա, որ «Բավարիան» մինչև վերջ պայքարելու է խմբում առաջին հորիզոնականը գրավելու համար: Գումարած դրան, Բունդեսլիգայում մյունխենցիները սկզբունքային խաղում պարտվել են Դորտմունդի «Բորուսիային» (0:1) և այսօր կփորձեն իրենց բարկությունը թափել համեստ ռուսական ակումբի վրա: Առաջարկում ենք ««Բավարիան» երկու խաղակեսերում էլ գոլ կխփի — Այո» խաղադրույքը, որի գործակիցը 1,85 է:
«Սելթիկ» — «Բարսելոնա»
Վերջին տուրում կատալոնացիները պարտվեցին «Մանչեսթեր Սիթիին» և հիմա կփորձեն Գլազգոյից հեռանալ 3 միավորով: Չհաղթելու դեպքում Էնրիկեի թիմը կարող է վտանգել առաջատարությունը: Մեսսին, ով չմասնակցեց Պրիմերայի վերջին հանդիպմանը, պատրաստ է եվրագավաթային խաղին: Մեսսի — Սուարես — Նեյմար եռյակը պատրաստ է կրակի տակ պահել շոտլանդացիների դարպասը:
Իհարկե, «Սելթիկը» կարգով զիջում է «կապտանռնագույններին», բայց կարող է նրանց տհաճություններ պատճառել, մանավանդ, որ պաշտպանությունում Էնրիկեի թիմը շարունակում է անվստահ գործել: «Սելթիկն» իր հարազատ երկրպագուների բուռն աջակցությամբ առաջ կգնա և կփորձի ինչ-որ բան ցույց տալ: Չմոռանանք, որ Ռոջերսի տղաները Գլազգոյում 3 գնդակ ուղարկեցին «Սիթիի» դարպասը, ինչը քչերը կարող էին ենթադրել: Տրամաբանական է «երկուսն էլ կխփեն — Այո» խաղադրույքը, որի գործակիցը 1,77 է:
«Արսենալ» — «ՊՍԺ»
Երկու թիմերն էլ 10-ական միավորով արդեն փլեյ-օֆֆում են: Լոնդոնում կողմերը կպարզեն A խմբի առաջատարին: Սկզբունքային հանդիպում է սպասվում:
«Արսենալն» ակնհայտորեն լավ մարզավիճակում չէ: Վերջին տուրում «զինագործները» սարսափելի հանդիպում անցկացրին «ՄՅու»-ի դեմ: Վնասվածքներ թիմում շատ կան: Փարիզցիների դեմ խաղին չեն մասնակցի Պեր Մերտեսակերը, Ուելբեքը, Կասորլան ու Բելերինը: Նույնիսկ Սանչեսի մասնակցությունն է հարցականի տակ: Կադրային լուրջ խնդիրներ կան:
Իսկ «ՊՍԺ»-ի մոտ ամեն ինչ լավ է դասավորվում: Էմերին արդեն հարմարվել է փարիզյան ակումբին: Էյֆելյան աշտարակի բնակիչները վերջին 9 խաղերից ութում հաղթանակ են տարել:
Այս թիմերի միջև առաջին խաղում փարիզյան ակումբը ակնհայտորեն ավելի ուժեղ էր, բայց պահերը չօգտագործելու պատճառով չկարողացավ 3 միավոր վաստակել: Եվ ընդհանրապես, կարգով ու կազմով «ՊՍԺ»-ն մի փոքր ավելի ուժեղ է իր այսօրվա մրցակցից:
Առաջարկում ենք «X2 և ՏՔ 4,5 գոլ» խաղադրույքը: Ավելի լավ մարզավիճակում գտնվող փարիզցիները դժվար թե պարտվեն լոնդոնցիներին, իսկ այսպիսի սկզբունքային խաղում գոլառատ ֆուտբոլ ակնկալել պետք չէ: Թիմերը զգույշ կգործեն: Գործակիցը 1,75 է:
«Աթլետիկո» — ՊՍՎ
«Աթլետիկոն» հանգստյան օրերին լուրջ ապտակ ստացավ Մադրիդի «Ռեալից»: Սիմեոնեի թիմը սեփական դաշտում խոշոր՝ 0:3 հաշվով զիջեց սկզբունքային մրցակցին: Արդարության համար պետք է նշել, որ «աթլետներն» այդ խաղում այնքան էլ վատ տեսք չունեին: Այժմ պետք է կենտրոնանալ Չեմպիոնների լիգայի վրա: ՊՍՎ-ին հաղթելու դեպքում Սիմեոնեի թիմը խմբում առաջին հորիզոնականը զբաղեցնելու լուրջ հայտ կներկայացնի:
Ինչ վերաբերում է հոլանդական ակումբին, ապա ՊՍՎ-ն «Ռոստովի» հետ պայքարում է Եվրոպա լիգայի ուղեգրի համար, ինչը նշանակում է, որ հյուրերը հեշտությամբ չեն զիջի:
Մադրիդցիները մեծ մոտիվացիայով են խաղալու: Դերբիում կրած ցավալի պարտությունից հետո Սիմեոնեի տղաները պարտավոր են հաղթել և ուրախացնել սեփական երկրպագուներին, իսկ արգենտինացի մասնագետը լավ գիտի, թե ինչպես տրամադրել իր ֆուտբոլիստներին: Վերջին տուրում մադրիդցիները հյուրընկալվելու են «Բավարիային», ինչը նշանակում է, որ սեփական դաշտում հաղթելու համար կանեն առավելագույնը: Առաջարկում ենք ««Աթլետիկոյի» հաղթանակ առաջին կեսում և խաղում» խաղադրույքը: Գործակիցը 1,84 է:
Մեր գործընկեր Vivaro բուքմեյքերական ընկերության կայքում էքսպրեսսի համար ստացանք 10,54 գործակիցը:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: