Ամենօրյա էքսպրեսս. «Բորուսիան» վստահ հաղթանակ կտոնի, «Վեսթ Հեմը» եւ «Տոտենհեմը» կփոխանակվեն գոլերով
«Սեւիլիա» — «Էյբար»
Ունայ Էմերիի թիմը «Բարսելոնային» պարտվելուց հետո կհանդիպի «Էյբարին»: Բասկյան ակումբը հյուրընկալվելիս չափազանց անհաջող է հանդես գալիս: Արտագնա վերջին 10 խաղերում թիմը վաստակել է ընդամենը չորս միավոր: «Սեւիլիան» իր հերթին այս տարի տնային թիմ է: Ընթացիկ մրցաշրջանում անդալուսցիները տնային 13 խաղերում կրել են երկու պարտություն, մնացած խաղերում՝ հաղթել: Ի դեպ, վերջին անգամ թիմը Պրիմերայի շրջանակներում պարտվել է նախորդ տարվա սեպտեմբերին:
Առաջին շրջանի խաղում «Սեւիլիան» հյուրընկալվելիս ոչ-ոքի էր խաղացել «Էյբարի» հետ (1:1): Հետաքրքիր է, որ նախորդ մրցաշրջանում «Ռամոս Սանչես Պիսխուան» մարզադաշտում կայացած այս թիմերի խաղում գոլազուրկ ոչ-ոքի է արձանագրվել:
Առաջիկա խաղին չեն մասնակցի վնասվածք ստացած Գժեգոժ Կրիխովիակը եւ որակազրկված Տիմոտի Կոլոջեյչակը: Հյուրերից կբացակայեն Խայմեն, Բորխա Էսկիզան, Անդեր Կապան եւ Կիկեն:
Հաշվի առնելով, որ «Սեւիլիան» այս մրցաշրջանում փայլուն է խաղում տանը, ընտրում եմ «Հ1 եւ ՏՇ 1,5 գոլ» խաղադրույքը:
«Դարմշտադ» — «Բորուսիա»
Նախորդ տուրում Դորտմունդի «Բորուսիան» միայն վերջին 10 րոպեներին կարողացավ հաղթանակ կորզել «Հոֆենհայմից»: Թոմաս Տուխելի թիմը բոլոր մրցաշարերի վերջին13 խաղերում ընդամենը երկու միավոր է կորցրել: Հիասքանչ ցուցանիշը կարող է ավելի մեծանալ այսօր՝ «Դարմշտադի» դեմ խաղում:
Առաջին շրջանի հանդիպումն ավարտվել էր 2:2 հաշվով: Օբամեյանգի դուբլն ապահովում էր տանտերերի 2:1 հաշվով հաղթանակը, բայց վերջին րոպեներին «մեղուները» գոլ ընդունեցին եւ երկու միավոր կորցրին:
Խաղից առաջ թիմերը լուրջ կորուստներ չունեն: Տուխելի տրամադրության տակ չէ միայն Սոկրատիսը (անգամ Շահինը պատրաստ է խաղին):
Կարծում եմ, «Բորուսիան» նվազագույնը երկու գոլ կխփի ընթացիկ մրցաշրջանում սեփական հարկի տակ ընդամենը մեկ հաղթանակ տոնած «Դարմշտադին»։
«Վեսթ Հեմ» — «Տոտենհեմ»
Օրվա ամենաուշագրավ խաղերից մեկը կայանալու է Լոնդոնի «Բոլեյն Գրաունդ» մարզադաշտում, որտեղ «Վեսթ Հեմը» խաղալու է «Տոտենհեմի» դեմ:
Հաղթանակի հասնելու դեպքում Մաուրիսիո Պոչետինոյի թիմը վաստակած միավորներով կհավասարվի առաջատար «Լեսթերին»: Բայց «մրճահարների» հետ խաղալն այնքան էլ հեշտ չէ: Սեփական դաշտում «Վեսթ Հեմը» վերջին անգամ պարտվել է նախորդ տարվա օգոստոսին: «Տոտենհեմն» իր հերթին հյուրընկալվելիս չի պարտվել վերջին13 հանդիպումներում:
Թիմերը խաղին մոտենում են կորուստներով: Տանտերերից հանդիպումը բաց կթողնեն Թոմկինսը, Օ՛Բրայենը, Էններ Վալենսիան եւ որակազրկված Սեմ Բայրեմը: Պոչետինոյի տրամադրության տակ չեն Վերտոնգենը, Դեմբելեն, Քերոլը:
Առաջին շրջանի խաղում «Տոտենհեմը» 4:1 հաշվով հաղթեց «Վեսթ Հեմին»: Կարծում եմ՝ այս անգամ հաղթանակի համար պետք է կռիվ տալ խաղադաշտում, ինչի արդյունքում հավանական եմ համարում երկու թիմերի կատարմամբ գոլառատ ֆուտբոլը:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: