«Այնտրախտ» Ֆրանկֆուրտ — «Բորուսիա» Դորտմունդ. Ռոբերտ Գասպարյանի կանխատեսումը
Գերմանիայի գավաթի 74-րդ խաղարկության եզրափակչի համար ամեն ինչ պատրաստ է: Անակնկալ կարելի է համարել, որ «Այնտրախտն» այստեղ է, իսկ ահա «Բորուսիայի» համար վերջին տարիներին սովորական է դարձել խաղալ եզրափակչում: Բայց պետք է նշել, որ վերջին երեք դեպքերում «մեղուները» չեն կարողացել իրենց ձեռքում պահել գավաթը՝ երկու անգամ պարտվել են «Բավարիային», մեկ անգամ՝ «Վոլֆսբուրգին»: Ընդ որում, ամենացավալին հենց «Վոլֆսբուրգի» դեմ խաղն էր, քանզի դա Յուրգեն Կլոպի վերջին խաղն էր «Բորուսիայի» ղեկին, և պարտվել այդպիսի խաղում անկարելի էր: Իսկ ահա «Այնտրախտի» դեմ խաղում, որը, ամենայն հավանականությամբ, կլինի Թոմաս Տուխելի համար վերջինը «Բորուսիայում», Դորտմունդը պետք է ամեն ինչ անի, որպեսզի հաղթի, և դրա համար կան բոլոր նախադրյալները, ու դրանք գալիս են մրցակցից:
«Այնտրախտի» հայտնվելը եզրափակչում անհավանական էր: Նիկո Կովաչը՝ խորվաթ լեգենդար ֆուտբոլիստը, ով հիմա գլխավորում է «Այնտրախտը», իր տրամադրության տակ չունի այն բոլոր ֆուտբոլիստներին, ովքեր կերտել են թիմի խաղը մրցաշրջանի սկզբում: Երկրորդ հատվածում շատ-շատ ֆուտբոլիստներ վնասվածք ստացան: Վնասվածքների համաճարակով լազարեթ ուղարկվեցին Հուստին, Վալյեխոն, Ֆաբիանը, Օրդոնեսը, իսկ հետո վնասվածք ստացան Հասեբեն, Մասկարելը և թիմի լավագույն ռմբարկու Մայերը: Ինչևիցե, 5 ֆուտբոլիստ միանշանակ չեն կարողանա օգնել թիմին այսօր: Այս պահին կարող էր օգնել Գիլյերմո Վարելան, բայց ամենահիմար պատճառով խաղը բաց կթողնի, քանզի ձեռքին դաջվածք էր արել, որը բորբոքվել էր, և մարզչական շտաբը ոչ սպորտային պահվածքի պատճառով նրան հեռացրել է թիմից:
Ինչ վերաբերում է Դորտմունդին, այստեղ կան վնասվածքներ: Չկան Անդրե Շյուրլեն, Մարիո Գյոտցեն և Յուլիան Վայգլը: Մասնավորապես՝ երիտասարդ կիսապաշտպանը շատ ծանր վնասվածք է ստացել ու երկար ժամանակով չի կարողանա օգնել թիմին: Այնուամենայնիվ, կարծում եմ, որ այս խնդիրները չեն խանգարի «Բորուսիային» վերջապես նվաճել Գերմանիայի գավաթը, չնայած այն բանին, որ «Այնտրախտին» էլ է պետք, թիմը հնարավորություն ունի նաև հայտնվել Եվրոպայում: Եվ այսօրվա խաղի վերաբերյալ ես ավելի հստակ հաշիվ կսահմանեմ՝ 2:0 կհաղթի «Բորուսիա» Դորտմունդը: Գործակիցը 7,5 է:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: