ԱԱ-2022. Հյուսիսային Մակեդոնիա – Հայաստան. Էռնեստ Շաբոյանի կանխատեսումը
Հայաստանի հավաքականը որակավորման մրցաշարը սկսեց 3 անընդմեջ հաղթանակով։ Տղաները մեկ շնչով անցկացրին գարնանային հատվածը։ Խոակին Կապառոսի կոլեկտիվի համար ամենաբարդը սկսում է սեպտեմբերի 2-ից։ Մեր թիմն աշնանային հատվածը սկսում է հյուսիսմակեդոնացիների հետ արտագնա խաղով։
Հայաստանի հավաքականը լուրջ կորուստներ ունի։ Որակազրկման պատճառով դաշտ դուրս չեն գալու Վարազդատ Հարոյանը, Տիգրան Բարսեղյանն ու Խորեն Բայրամյանը։ Փոխարենը վերադարձել է մեր անվիճելի առաջատար և ավագ Հենրիխ Մխիթարյանը։
Դժվար է ասել, թե մրցաշրջանի մեկնարկում ինչ տեսք կունենա մեր թիմը։ Խմբի անվիճելի ֆավորիտը Գերմանիան է, բայց երկրորդ տեղի համար պայքարն իրատեսական է։ Դրա համար հարկավոր է դրսում գոնե չպարտվել Հյուսիսային Մակեդոնիային, որի հետ միշտ էլ բարդ է խաղալը։ Մեր մրցակիցը մասնակցեց Եվրոյին, բայց դա, մեծ հաշվով, ոչինչ չի նշանակում։ Հյուսիսմակեդոնացիների կազմում այլևս չկա Գորան Պանդևը, փոխվել է նաև գլխավոր մարզիչը։ Փաստացի նոր թիմ է ձևավորվում, այնպես որ, անհասկանալի է, թե ինչ կարելի է սպասել տանտերերից։
Մեկնարկային 3 հաղթանակները Կապառոսը տարել է առանց Մխիթարյանի, այժմ պարզ չէ, թե ինչ մարտավարությամբ է խաղալու մեր մարզիչը։ Ամեն դեպքում, թիմն արդեն զգացել է հաղթանակի համը, իսկ ամենակարևորն այն է, որ ուրույն ձեռագիր ունի ու գերմոտիվածված է գործում։ Կարծում եմ՝ Սկոպյեում թեժ պայքար է լինելու։ Ընտրում եմ Հայաստանի հավաքականն առնվազն չի պարտվի (x2) խաղադրույքը, որի համար Vbet-ը սահմանել է 2.06 գործակիցը։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: