«Էլ Կլասիկոյի» մրցավարը կսպասարկի Հայաստան – Հյուսիսային Մակեդոնիա հանդիպումը
Հայաստանի և Հյուսիսային Մակեդոնիայի ազգային հավաքականների միջև 2022թ. աշխարհի առաջնության ընտրական փուլի նախավերջին՝ 9-րդ տուրի հանդիպումը կսպասարկեն իսպանացի մրցավարներ։
Խաղի գլխավոր մրցավար է նշանակվել Խոսե Մարիա Սանչես Մարտինեսը, որին եզրերում կօգնեն Ռաուլ Կաբանյերոն ու Ռոբերտո Ալոնսո Ֆերնանդեսը: Չորրորդ պաշտոնյան է Խուան Մարտինես Մունուերան։ VAR համակարգի վրա կաշխատեն իտալացիներ Պաոլո Վալերին եւ Լուկա Պայրետոն։
Հիշեցնենք, որ հոկտեմբերի 24-ին Խոսե Մարիա Սանչես Մարտինեսը սպասարկել էր «Բարսելոնա» – «Ռեալ» (1։2) Իսպանիայի առաջնության հանդիպումը։
Հայաստան – Հյուսիսային Մակեդոնիա հանդիպումը տեղի կունենա նոյեմբերի 11-ին Վազգեն Սարգսյանի անվան «Հանրապետական» ստադիոնում և կսկսվի ժամը 21:00-ին: Այդ խաղից 3 օր անց Հայաստանի հավաքականը կընդունի նաև խմբի առաջատար գերմանացիներին:
ԱԱ-2022-ի ընտրական փուլի J խմբի 8-րդ տուրից հետո Գերմանիան ունի 21 միավոր, երկրորդ տեղում գտնվող Ռումինիան՝ 13, Հյուսիսային Մակեդոնիան ու Հայաստանը՝ 12-ական, Իսլանդիան՝ 8, իսկ հետնապահ Լիխտենշտեյնը՝ 1:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: