«Մանչեսթեր Յունայթեդ» — «Սանդերլենդ». Ռոբերտ Գասպարյանի կանխատեսումը

Անգլիայի առաջնությունը թևակոխել է ամենահետաքրքիր ժամանակահատված՝ Boxing days: Ֆուտբոլ գրեթե ամեն օր, անգամ ամանորին: Սուրբծննդյան օրերի դադարից հետո մառախլապատ ալբիոնում նորից անցնում են գործի: «Օլդ Թրաֆֆորդ» մարզադաշտում իրար հետ կմրցեն «Մանչեսթեր Յունայթեդն» ու «Սանդերլենդը»: Հանդիպումը բավական սկզբունքային է, որովհետև վերջին տարիներին այս ակումբները հաճախ են փոխանակվում ֆուտբոլիստներով, նաև մարզիչներով: Օրվա մեխն անշուշտ, «Յունայթեդի» նախկին գլխավոր մարզիչ Դևիդ Մոյեսի վերադարձն է իր նախկին աշխատավայր, որտեղից անփառունակ կերպով հեռացվեց:

Վերջապես «կարմիր սատանաների» երկրպագուները կարող են հանգիստ շունչ քաշել՝ իրենց սիրելի թիմը գրագետ, գեղեցիկ, ու հետաքրքիր ֆուտբոլ է խաղում: Երկարատև դադարից հետո արջի քնից արթնացել է Զլատան Իբրահիմովիչը: Շվեդ հարձակվողը վերջին 3 խաղերից երկուսում դարձել է հաղթական գոլի հեղինակ: Ուրախալի լուրեր թիմի լազարեթից: Մասնավորապես՝ վնասվածքից ապաքինվել է Հայաստանի հավաքականի կիսապաշտպան Հենրիխ Մխիթարյանը: Մեր ֆուտբոլիստը գրեթե յուրաքանչյուր խաղում ճանաչվում է լավագույն ֆուտբոլիստ: Թեպետ նա ապաքինվել է վնասվածքից, այնուամենայնիվ, նրան կարելի է սպասել միայն երկրորդ կեսում: Բային նույնպես պատրաստ է ու կխաղա առաջին րոպեներից: Միակ կորուստը պաշտպան Լյուկ Շոուն է:

«Սև կատուների» հիմնական կազմում այսօր խաղում են ֆուտբոլիստներ, որոնք ժամանակին խաղացել են «ՄՅու»-ում՝ Ջոն Օշի, Դոնալդ Լավ, Ադնան Յանուզայ, Պեդի ՄաքՆեյր: Նրանցից առնվազն երկուսը սակայն հաշվետու խաղին չեն մասնակցի: Վնասվածքի պատճառով կբացակայի ՄաքՆեյրը, իսկ Յանուզայը քանի որ հանդես է գալիս վարձակալական հիմունքներով, խաղին հայտավորված չի լինի: Վերջին 3 խաղում «Սանդերլենդը» գոլի հեղինակ դառնալ չի կարողանում, թեպետ հարձակումը բավական ներկայացուցչական է՝ Անիչեբե, Բորինի և Դեֆո: Այսօր պետք է հասնել հաջողության:

«Յունայթեդի» հաղթանակը կասկած չի հարուցում: Վստահ եմ, որ շատ գնդակներ չենք տեսնի: Առաջարկում եմ տանտերերի հաղթանակն ու տոտալ 3,5-ից քիչ գոլը: Գործակիցը 1,91 է: