Բուքմեյքերները չեն կասկածում, որ «Ալաշկերտը» դուրս կգա որակավորման երկրորդ փուլ

Այսպիսով, Չեմպիոնների լիգայի որակավորման առաջին փուլի մեկնարկային հանդիպումը Հայաստանի գործող չեմպիոնը կանցկացնի Անդորրայի Ֆուտբոլի ֆեդերացիայի մարզադաշտում՝ հունիսի 28-ին: Vivarobet բուքմեյքերական ընկերությունը հանդիպման բացահայտ ֆավորիտ է համարում հայկական թիմին՝ հաղթանակի համար սահմանելով 1.50 գործակիցը: Դա կազմում է 63% հավանականություն: Ոչ-ոքիի համար սահմանված է 4.31 գործակիցը (22%), իսկ տանտերերի հաղթանակի համար՝ 6.38 (15%):

Նշենք, որ որակավորման առաջին փուլում «Սանտա-Կոլոմային» երկու տարի առաջ հանդիպել էր Երևանի «Բանանցը»: 2014/15 թթ. մրցաշրջանում անդորրացիները տանը հաղթել էին 1:0 հաշվով, իսկ հյուրընկալվելիս պարտվել 2:3, և մրցակցի հարկի տակ խփած գոլի շնորհիվ շրջանցել մեր ակումբին:

Աբրահամ Խաշմանյանի թիմը Անդորրայի չեմպիոնի արգելքը հաղթահարելու դեպքում հաջորդ փուլում հանդիպելու է հարևան Վրաստանի չեմպիոն՝ Թբիլիսիի «Դինամոյին»:

«Սանտա-Կոլոմայի» հետ պատասխան հանդիպումն «Ալաշկերտն» անցկացնելու է հուլիսի 5-ին: Խաղը կայանալու է Երևանի Վազգեն Սարգսյանի անվան Հանրապետական մարզադաշտում: