«Լիվերպուլի» և Իռլանդիայի հավաքականի նախկին պաշտպան, BBC հեռուստաընկերության փորձագետ Մարկ Լոուրենսոնը կանխատեսում է արել Եվրո-2016-ի կիսաեզրափակչի Գերմանիա — Ֆրանսիա հանդիպման վերաբերյալ:
Այո, տանտերերը պաշտպանությունում խնդիրներ ունեն: Բոլորս դա գիտենք: Բայց ֆրանսիացիներն ունեն 3 խաղացող, ովքեր կարող են հաղթել հանդիպումը՝ Օլիվյե Ժիրու, Դիմիտրի Պայե և Անտուան Գրիզման: Սա գերմանացիների մոտ բացակայում է:
Հաշվի առնելով Գոմեսի վնասվածքը, Մատս Հումելսի որակազրկումն ու այն, որ Սամի Խեդիրայի և Բաստիան Շվայնշտայգերի մասնակցությունը հարցականի տակ է, չեմ կարծում, թե աշխարհի գործող չեմպիոնը կլուծի իր խնդիրը:
Միշտ բարդ է Գերմանիայի դեմ խաղադրույք կատարելը, քանի որ այս թիմի մոտ մրցաշարերի այսպիսի փուլերում հազվադեպ են վատ օրեր լինում: Եթե նույնիսկ նրանց մոտ հասարակ օր է լինում, ապա դա բավարար է հաղթանակի համար:
Ֆրանսիացիները կհավատան, որ կարող են հաղթել, հատկապես հաշվի առնելով տնային աջակցությունը: Համաձայն եմ այս տեսակետի հետ: