Հունգարիա – Գերմանիա։ Ռոբերտ Գասպարյանի կանխատեսումը

Հունգարիայի հավաքականը դարձյալ պայքարում է փլեյ-օֆֆի համար։ Առաջին տուրում թիմը ցույց տվեց իր բնավորությունը՝ տանը 1։0 հաշվով հաղթելով Անգլիայի ընտրանուն։ Այնուհետև, Մարկո Ռոսիի սաները մեկնեցին Իտալիա, որտեղ պարտվեցին տանտերերին 1:2 հաշվով՝ ցույց տալով բավական ամուր ու գրագետ ֆուտբոլ։ Այսպիսով, Հունգարիայի հավաքականը երրորդ խմբի մրցաշարային աղյուսակում զբաղեցնում է երկրորդ հորիզոնականը՝ ակտիվում ունենալով 3 միավոր։ Առաջատար Իտալիան ունի ընդամենը մեկ միավորով ավելին, հետևաբար գերմանացիների հետ հաջող հանդես գալու դեպքում հունգարացիները կարող են շահեկան դիրք զբաղեցնել։

Գերմանիայի հավաքականն Ազգերի լիգայի այս խաղարկության առաջին երկու տուրերում իրեն լավագույնս չդրսևորեց։ Սկզբում գերմանացիները հյուրընկալվելիս ոչ-ոքի խաղացին Իտալիայի հավաքականի հետ, իսկ հետո տանը չկարողացան երեք միավոր վաստակել Անգլիայի հետ խաղում։ Երկու դեպքում էլ գրանցվեց 1:1 հաշիվը: Այդ պատճառով Բունդեսթիմի՝ փլեյ-օֆֆ դուրս գալու հնարավորությունները նկատելիորեն նվազել են։ Երրորդ տուրի մեկնարկից առաջ Գերմանիայի հավաքականը վաստակած երկու միավորով միայն երրորդն է։

Անգլիայի և Իտալիայի հավաքականների հետ ոչ-ոքի խաղալը նորմալ է: Մրցակիցները, սկզբունքորեն, խաղում են նույն մակարդակի վրա, ինչը նշանակում է, որ արդյունքը կարելի է բավականին լավ անվանել։ Սակայն հունգարացիներին պետք է հաղթել։ Գերմանիայի հավաքականը թղթի վրա ավելի ընդգծված ուժեղ կազմ ունի, քան Հունգարիայի ընտրանին, որի բախտը բերեց առաջին տուրում։ Ընդհանուր առմամբ, կարծում եմ, որ հյուրերը դարձյալ առնվազն չեն պարտվի, բայց սեփական դարպասը անառիկ պահել չի հաջողվի։