Ֆուտբոլային լրագրող, «Բուքմեյքերների Ռեյտինգի» փորձագետ Արթուր Պետրոսյանը կանխատեսում է արել Եվրո-2020-ի խմբային փուլի Հունգարիա — Ֆրանսիա հանդիպման վերաբերյալ:
Երբ ներդնում ես բոլոր ուժերդ, կռվում ես 80 և ավելի րոպեների ընթացքում, իսկ հետո բաց ես թողնում առաջին, երկրորդ և երրորդ գոլերը, խոշոր հաշվով պարտվում ես, ապա դա չի կարող չազդել թիմի հոգեբանական վիճակի վրա: Հունգարացիները, իհարկե, արժանավայել կռվեցին Պորտուգալիայի հետ, սակայն դա նրանց մաքսիմումն էր: Եվ ընդամենը երեք օր անց կասկածում եմ, որ դա հնարավոր կլինի կրկնել՝ հաշվի առնելով նախորդ խաղից խիստ հիասթափությունը:
Դե իսկ ֆրանսիացիներն արդեն կատարել են իրենց առաջադրանքը՝ հաղթելով Գերմանիային, աստիճանաբար տեմպ և անհրաժեշտ խաղային որակներ են հավաքում:
Կասկած չկա, որ հենց նրանք այստեղ տոտալ առավելություն կունենան և մեկը մյուսի հետևից կմոտենան Գուլաշչիի դարպասին: Միևնույն ժամանակ չեմ կարծում, որ ֆրանսիացիները մեծ ջանքեր կգործադրեն. 2 գնդակի առավելությամբ հաղթանակը նրանց միանգամայն ձեռնտու է, ինչից հետո կարելի կլինի ուղղակի վերցնել գնդակը և խաղը հասցնել հաղթանակի: