«Спортфакт» կայքի թղթակից, «Спорт-Экспресс»-ի օնլայն-տարբերակի նախկին գլխավոր խմբագիր Արթուր Պետրոսյանը կանխատեսում է արել ԱԱ-2018-ի ընտրական մրցաշարի Ղազախստան — Հայաստան հանդիպման վերաբերյալ: Հայազգի փորձագետն արդյունավետ ոչ-ոքի է կանխատեսում:
Հանդիպումն իսկական գուրմանների համար է: Ղազախստանը յոթ անընդմեջ պարտություն է կրել՝ բաց թողնելով 21 գնդակ: Հայաստանը զիջել է վերջին չորս խաղում՝ բաց թողնելով 15 գնդակ:
Հետաքրքիր է, որ Ղազախստանում տեղի ունեցողի հիմնական մեղավորը գլխավոր մարզիչ Ալեքսանդր Բորոդյուկն է, ում օրոք հավաքականը պարտվել է բոլոր յոթ խաղում: Իսկ Հայաստանում բոլոր քննադատություններն ուղղված են ֆեդերացիայի նախագահ Ռուբեն Հայրապետյանին, ով երկրում ֆուտբոլի զարգացման պատասխանատուն է:
Բայց այս ամենը դժվար թե նշանակություն ունի այս հանդիպման համար: Հենրիխ Մխիթարյանը, ով ներողություն էր խնդրել լեհերին 1:6 հաշվով պարտվելու համար, խոստացել է, որ Ղազախստանի դեմ թիմն ամեն ինչ կանի, որպեսզի լավ հանդես գա:
Ղազախստանի հավաքականի պաշտպանությունը վատն է, իսկ Հայաստանինը՝ սարսափելի: Ղազախստանի հարձակման գիծը նույնպիսի վիճակում է, Հայաստանինը՝ լավ: Եթե ամենը հանրագումարի բերենք, ապա, թերևս, «երկու թիմերն էլ գոլ կխփեն» տարբերակն ամենագրավիչը կլինի: Եվ, թերևս, ոչ-ոքի արդյունքին երկու թիմերն էլ դեմ չեն լինի: