Հատուկ «Բուքմեյքերների Ռեյտինգի» համար «Մանչեսթեր Յունայթեդի» սան Ռոբբի Սևիջը և «Լիվերպուլի» նախկին հայտնի կիսապաշտպան Դեննի Մերֆին ուղիղ Լոնդոնից կանխատեսում են արել Պրեմիեր լիգայի 25-րդ տուրի «Չելսի» — «Մանչեսթեր Յունայթեդ» և «Բորնմութ» — «Արսենալ» խաղերի վերաբերյալ:
Սևիջ: «Չելսին» Գուս Հիդինկի հետ բոլոր մրցաշարերում արդեն 10 խաղ է չի պարտվում: Պրեմիեր լիգայում «ազնվականները» «Մանչեսթեր Յունայթեդին» արդեն 6 խաղ անընդմեջ չեն պարտվում: Ռունին լավ մարզավիճակում է: Անգլիացին ԱՊԼ-ի վերջին 5 խաղերում 5 գոլ է խփել: Այդ պատճառով էլ «Չելսիի» 2:1 հաշվով հաղթանակը և Ռունիի գոլը լավ խաղադրույք կլինի:
Մերֆի: Կարծում եմ՝ «Արսենալն» այնպիսի իրավիճակում է, որ անպայման պետք է հաղթի: Արդեն 4 խաղ անընդմեջ նրանք չեն կարողանում հաղթել: «Լեսթերը» պարտության մատնեց «Մանչեսթեր Սիթիին», և հիմա «զինագործները» առաջատարին զիջում են 8 միավորով: Խաղն «Արսենալի» համար մեծ նշանակություն ունի, և ես կարծում եմ, որ նրանք կհաղթեն: Իմ կարծիքով «Բորնմութը» լավ է խաղում, բայց կանգնեցնել բարկացած «Արսենալին», ում 3 միավոր է պետք, շատ դժվար կլինի:
«Մանչեսթեր Յունայթեդի» հարցով համաձայն չեմ Ռոբբիի հետ: Կարծում եմ, որ «Չելսին» այնքան էլ լավ տեսք չունի, իսկ «Մանչեսթեր Յունայթեդը» վերջին խաղերում շատ վստահ է հանդես եկել: Կանխատեսում եմ, որ «Յունայթեդը» կարող է ոչ-ոքի խաղալ:
Կարծում եմ, որ Մարսիալը, Ռունին և Մատան կարող են դիմակայել «Չելսիին», քանի որ տեսել եմ նրանց վերջին 2 խաղերը: Ենթադրում եմ, որ ոչ-ոքի կլինի: