Եվրոպայի ամենահեղինակավոր ակումբային մրցաշարում թեժ պայքար է սպասվում «Ոսկե խաղակոշիկ» մրցանակի համար:
Մրցանակին արժանանալու գլխավոր ֆավորտ է համարվում Մյունխենի «Բավարիայի» լեհ հարձակվող Ռոբերտ Լևանդովսկին, որի հաղթանակը գնահատվում է 6.00 գործակցով: Երկրորդ տեղում է ֆրանսիական ՊՍԺ-ի նորեկ Լիոնել Մեսին: Եթե Չեմպիոնների լիգայի լավագույն ռմբարկու դառնա 34-ամյա արգենտինացի հարձակվողը, կաշխատի 6.50 գործակցով խաղադրույք: Երրորդը Դորտմունդի «Բորուսիայի» 21-ամյա նորվեգացի հարձակվող Էրլինգ Հոլանդն է, որի հաղթանակը ստացել է 7.00 գործակից:
Լավագույն հնգյակում են նաև Չեմպիոնների լիգայի գավաթակիր Լոնդոնի «Չելսիի» բելգիացի հարձակվող Ռոմելու Լուկակուն (8.00) և ՊՍԺ-ի ֆրանսիացի ռմբարկու Կիլիան Մբապեն (9.00): 12 տարի անց անգլիական «Մանչեսթեր Յունայթեդ» վերադարձած 36-ամյա պորտուգալացի հարձակվող Կրիշտիանու Ռոնալդուի հաղթանակը գնահատվում է 10.00 գործակցով:
Թեկնածուների թվում են նաև Մադրիդի «Ռեալի» առաջատարներից Քարիմ Բենզեման (13.00), անգլիական «Լիվերպուլի» եգիպտոսցի հարձակվող Մոհամեդ Սալահը (21.00), ՊՍԺ-ի բրազիլացի ռմբարկու Նեյմարը (21.00):
Չեմպիոնների լիգայի ֆավորիտները՝ խմբային փուլի վիճակահանությունից հետո