Բրիտանական Bet365 բուքմեյքերական ընկերությունը համաձայնության է հասել Անգլիայի Պրեմիեր լիգայի ընթացիկ մրցաշրջանում հաջող հանդես եկող «Սթոք Սիթի» ֆուտբոլային ակումբի հետ, ինչի շնորհիվ թիմի տնային մարզադաշտը կանվանվի «Bet365 Սթեդիում»:
«Սթոքը» եւ bet365-ն ամրապնդում են համագործակցությունը
Bet365-ը պայմանագիր է ստորագրել ՖԱ «Սթոք Սիթիի» հետ, որը ներառում է ակումբի «Բրիտանիա» մարզադաշտը «Bet365 Սթեդիում» անվանելու վերաբերյալ կետ, հաղորդում է iGamingbusiness-ը:
Գործարքն ուժի մեջ կմտնի 2016/17 թթ. մրցաշրջանում եւ կգործի վեց տարվա ընթացքում՝ մինչեւ 2022/23 թթ.:
Բուքմեյքերը նաեւ երկարաձգել է գործող հովանավորչական պայմանագիրը. Bet365-ի բրենդը մնում է թիմի մարզաշապիկի դիմացի հատվածում եւս 3 տարի:
«Հովանավորչական պայմանագրի ընդլայնումը եւ «Սթոք Սիթիի» մարզադաշտի անվանափոխության վերաբերյալ համաձայնության հասնելը հիասքանչ է, հատկապես Սթոք-օն-Թրենթ քաղաքում, որը համարվում է Bet365-ի տունը»,- գործարքը մեկնաբանել է Bet365-ի գործադիր տնօրեն եւ «Սթոք Սիթիի» փոխնախագահ Ջոն Քոութսը: