Մակրոնը ճիշտ է գուշակել Ֆրանսիա – Լեհաստան խաղի հաշիվն ու գոլերի հեղինակներին

Ֆրանսիայի նախագահ Էմանուել Մակրոնը ճիշտ է գուշակել Կատարում ընթացող աշխարհի առաջնության 1/8 եզրափակիչի՝ Ֆրանսիա – Լեհաստան խաղի հաշիվը: Նախագահը նաև ճշգրիտ կանխատեսել է գոլերի հեղինակներին:

«Կարծում եմ՝ մենք կհաղթենք 3։1 հաշվով։ Լևանդովսկին գոլ կխփի Մբապեի և, հնարավոր է, Ժիրուի պես, որը ցանկանում է պատմություն կերտել: Ֆրանսիայի երրորդ գոլը կարող է խփել ջոկերը»,- Le Parisien-ի հետ զրույցում խաղից առաջ հայտնել է Ֆրանսիայի նախագահը։

Հիշեցնենք, որ աշխարհի գործող չեմպիոնի կազմում հաշիվը բացել էր իտալական «Միլանի» հարձակվող Օլիվյե Ժիրուն, որը 52 գոլով դարձել էր Ֆրանսիայի հավաքականի պատմության լավագույն ռմբարկուն՝ շրջանցելով Թիերի Անրիին: Ֆրանսիացիների կազմում դուբլ էր ձևակերպել ՊՍԺ-ի հարձակվող Կիլիան Մբապեն, իսկ լեհերի միակ գոլն ավելացված ժամանակի 9-րդ րոպեին 11-մետրանոցից խփել էր թիմի ավագ և առաջատար Ռոբերտ Լևանդովսկին:

Ֆրանսիայի հավաքականը դեկտեմբերի 10-ին քառորդ եզրափակիչում կմրցի Անգլիայի հետ, խաղը կմեկնարկի Երևանի ժամանակով 23:00-ին:

Բոնուսներ և բուքմեյքերների պրոմոկոդեր