Աղջիկը, ով Մելբուրնում կայացած ձիարշավի մրցույթի շնորհիվ հաղթել է 825 ավստրալական դոլար, ֆեյսբուքում տեղադրել է հաղթական չեկի լուսանկարը, ինչի պատճառով զրկվել է շահած գումարից: Նրա «ընկերներից» մեկը անակնկալ է մատուցել՝ ստանալով մրցանակն ավելի շուտ:
Շանտել անունով աղջիկը՝ Պերչ քաղաքից, որոշել էր մի քանի ավստրալական դոլարի խաղադրույք կատարել Արքայադուստր Պենզանսա անունով ձիու վրա, որի՝ Մելբուրնի ձիարշավում հաղթելու շանսերը գնահատվել էին 101.0 գործակցով:
Մեր հերոսուհին որոշել էր կիսվել իր ուրախությամբ եւ ֆեյսբուքում տեղադրել հաղթած կտրոնի լուսանկարը՝ մոռանալով փակել կտրոնի կոդը: Ընդամենը 15 րոպե անց նրա «ընկերներից» մեկը հեռախոսի մեջ բեռնել է կոդով լուսանկարը եւ կանխիկացրել գումարը տերմինալի միջոցով: Այս ամենի մասին Շանտելն իմացել է բուքմեյկերական ընկերության գրասենյակում` գումարը կանխիկացնելիս: Ոստիկանությունը զբաղվում է հարցով եւ վստահ է, որ կկարողանա գտնել Շանտելի «ընկերոջը»:
Բայց սա Մելբուրնի գավաթի խաղարկության հետ կապված միակ դեպքը չէ:
Նույն օրը մեկ այլ հաջողակ գուշակել էր այն չորս ձիերի անունները, որոնք առաջինն էին հասել եզրագծին: Կատարելով 9 դոլարի խաղադրույք՝ նա հաղթել էր 125 հազար ավստրալական դոլար: Ջեյն Հալլը՝ KIS-FM ռադիոյի հյուրը, Sportsbet բուքմեյկերի 500 դոլար բոնուսով ճիշտ էր կռահել եւ հաղթել ավելի քան 50 հազար դոլար: Այդ ամբողջ գումարով նա բարեգործություն էր կատարել: Եւս մեկը 46 դոլար էր դրել նույն ձիու վրա, որին հավատացել էր Շանտելը: Էքսպրեսի միջոցով նա հաղթել էր 39 հազար դոլար: