Խաղացողը NFL-ի խաղի վրա 1,09 գործակցով $165 հազար է դրել եւ պարտվել

Սպարտակ Պետրոսյան

Դեկտեմբերի 28-ի գիշերը ամերիկյան Ազգային ֆուտբոլային լիգայի «Սիեթլ Սիհոքս» ակումբը սեփական հարկի տակ անսպասելի պարտություն է կրել «Սենթ-Լուիս Ռեմսից»: Բայց այդ խաղը ուշադրություն է գրավել ոչ այդքան արդյունքով, որքան անբախտ ամերիկացու $165 հազար արժողությամբ խաղադրույքով:

Լաս-Վեգասից խաղացողը խոշոր գումար պարտվելու «մասթեր-կլասս» է ցույց տվել

Անհայտ խաղացողը խաղադրույք էր կատարել «Սիեթլի» հաղթանակի վրա Լաս-Վեգասում գտնվող «Ֆլամինգո» հյուրանոց-կազինոյում: Խաղադրույքը եղել է 1,09 գործակցով եւ կազմել է $165 հազար: «Իդեալական» բիզնես-պլանը նախատեսում էր $15 հազար մաքուր շահույթ առանց որեւէ ջանք գործադրելու:

Բայց ամեն ինչ այդքան էլ ճիշտ չի ընթացել արդեն առաջին քառորդում, որի արդյունքում հյուրերն առաջ են անցել 10:0 հաշվով: Երկրորդում տանտերերը չեն կարողացել շտկել իրավիճակը՝ ետ մնալով արդեն 13 միավորով: Արդյունքում՝ բուքմեյքերների կարծիքով ֆավորիտները պարտվել են 17:23 հաշվով: Սկսած 2004 թվականից՝ ռեգուլյար առաջնության շրջանակներում «Սիեթլը» ոչ մի անգամ չէր պարտվել «Սենթ-Լուիսին»: Տղային չես նախանձի: