Ինչպե՞ս կատարել ֆուտբոլային խաղադրույքներ
Բովանդակություն
Ֆուտբոլային բեթթինգը տարածված է բոլոր խաղացողների շրջանում, ովքեր գոնե մակերեսային գիտելիքներ ունեն խաղադրույքների մասին: Այս մարզաձևում անցկացվում են ամենաշատ հանդիպումները, ԲԳ-ների լայնույթում ամենաշատ իրադարձությունները միշտ ֆուտբոլային մրցաշարերի համար են: Չնայած ֆուտբոլային մրցաշարերի վերլուծության համար տեղեկատվության հասանելիությանը՝ շատ խաղացողներ շարունակում են պարբերաբար սխալվել և կորցնել իրենց գումարները խաղադրույքների վրա: Այս հոդվածում մենք կհասկանանք, թե ինչու է դա տեղի ունենում և կպատմենք, թե ինչպես ճիշտ խաղադրույք կատարել ֆուտբոլի վրա և հաղթել:
Ինչի՞ վրա կարելի է խաղադրույք կատարել
Ֆուտբոլային խաղադրույքների ցանկում կան բազմաթիվ իրադարձություններ: Թոփ հանդիպումների համար կարելի է գտնել շուրջ 1000 մարկետ: Դիտարկենք դրանցից հիմնականները.
- Ելք: Այն խաղադրույք է հիմնական ժամանակում հանդիպման արդյունքի վրա: Սրան են վերաբերվում ոչ միայն Հ1, X և Հ2 մարկետները, այլև կրկնակի շանսը՝ 1X, 12 և X2: Բուքմեյքերները սովորաբար ելքի վերաբերյալ խաղադրույքների համար բարձր գործակիցներ և ցածր մարժա են սահմանում: Հանդիպման ելքի հետ են կապված նաև կանխատեսումների այլ տեսակներ՝ կամային հաղթանակ, «չոր» հաշվով հաղթանակ, հաղթանակ և տոտալ, հաղթանակ և երկուսն էլ գոլ կխփեն ու այլ էքսպրես-ելքեր:
- Տոտալ: Ամենահայտնի մարկետը: Սա խաղադրույք է արդյունավետության քանակական ցուցանիշի վրա։ Ընդհանուր առմամբ, սա խաղադրույք է գոլերի քանակի վրա, բայց ֆուտբոլում կարելի է հաշվել ոչ միայն խփած գոլերը, այլև՝ դեղին քարտեր, անկյունայիններ և այլն։ Խաղացողին առաջարկվում է ընտրել երկու տարբերակ՝ քիչ, թե շատ: Բուքմեյքերը որոշակի արժեք է սահմանում ցանկում, իսկ բեթթորը գնահատում է մարկետը և խաղադրույք կատարում՝ տոտալ շատ կամ տոտալ քիչ: Ցանկում կան նաև անհատական տոտալներ՝ յուրաքանչյուր թիմի արդյունավետության վերաբերյալ:
- Ֆորա: Թիմերի միջև հաշվի տարբերության վրա խաղադրույք: Ինչպես և տոտալը, ֆորան կարող է լինել գոլերի կամ վիճակագրական այլ ցուցանիշների համար: Տարբերում են եվրոպական և ասիական ֆորաներ: Բուքմեյքերները լայնույթում առաջարկում են հիմնական ֆորան, իսկ ցանկում կան նաև լրացուցիչ մարկետներ: Նաև գոյություն ունի զրոյական ֆորա, որն ապահովագրում է թիմի հաղթանակի ելքը:
- Ստույգ հաշիվ: Այս մարկետի վրա խաղադրույք կատարելով՝ բեթթորը փորձում է կռահել հանդիպման ընթացքում թիմերի խփած գոլերի ստույգ քանակը: Այսպիսի իրադարձությունների համար միշտ առաջարկվում են բարձր գործակիցներ, քանի որ չափազանց դժվար է կանխատեսել, թե ինչ հաշվով կավարտվի հանդիպումը:
- Վիճակագրության վրա խաղադրույք: Այս կատեգորիայի մեջ մտնում են անկյունայինների, դեղին քարտերի, խաղից դուրս վիճակների, դարպասին հարվածների, հեռացումների, խախտումների վրա առանձին ցանկերը: Հանդիպում են ստանդարտ մարկետներ՝ ֆորա, տոտալ, ելք:
Հատկանշական է, որ խաղադրույքի յուրաքանչյուր տարբերակը բեթթորը կարող է ընտրել ինչպես ամբողջ հանդիպման, այնպես էլ առանձին խաղակեսի համար:
Ֆուտբոլային հանդիպումների վրա խաղադրույքների առանձնահատկություններ
Ֆուտբոլը երկու թիմերի միջև խաղ է, որը բաժանվում է երկու խաղակեսի՝ յուրաքանչյուրը 45 րոպե տևողությամբ։ Սա ամենաանկանխատեսելի սպորտաձևերից մեկն է, որը բեթթորների համար բարդություններ է ստեղծում խաղադրույքի համար լավագույն մարկետը ընտրելու հարցում: Ֆուտբոլային բեթթինգում հաջողության հիմնական գրավականներից մեկը վերլուծությունն է։
Ֆուտբոլային խաղադրույք հնարավոր է կատարել պրեմատչում և լայվում: Հաճախ խաղացողները սխալվում են՝ խաղադրույք կատարելով հանդիպման մեկնարկից շատ առաջ, օրինակ՝ մեկ օր կամ ավելի վաղ: Այդ պահերին կարելի է լավ գործակից որսալ նախապես վերլուծված խաղադրույքի տարբերակի համար: Բայց մինչև հանդիպման մեկնարկը կարող են առաջանալ ֆորս-մաժորներ՝ առաջատար խաղացողների վնասվածքներ, եղանակային պայմանների կտրուկ փոփոխություն, ինչը կհանգեցնի խաղից առաջ իրավիճակի փոփոխության և կազդի նախապես ընտրած խաղադրույքի անցման հավանականության վրա:
Ուստի խորհուրդ է տրվում խաղադրույք կատարել մեկնարկային սուլիչից մի քանի րոպե առաջ. այդ րոպեներին արդեն հայտնի են թիմերի կազմերը, անակնկալներ սովորաբար չեն լինում։ Դուք կարող եք նաև արձագանքել իրադարձություններին լայվ ռեժիմում. օրինակ՝ հեռացում է տեղի ունեցել թիմերից մեկի կազմում. հիանալի նշան է ոչ-ոքիի ժամանակ մրցակցի հաղթանակի կամ գոլի վրա խաղադրույք կատարելու համար:
Խաղի վերլուծություն
Խաղի վերլուծությունը կախված չէ հանդիպման մեկնարկից առաջ բեթթորի նախասիրություններից: Օրինակ, եթե դուք հաճախ խաղադրույք եք կատարում տոտալների վրա և կանխատեսման ձեր հիմնական տարբերակը արդյունավետությունն է, դա ճիշտ չէ: Ֆուտբոլային խաղադրույքներում ոչ մի կողմնակալություն կամ նախապատվություն չպետք է լինի, եթե բեթթորը պատրաստվում է երկարաժամկետ շահույթ ապահովել:
Պետք է վերլուծել բոլոր գործոնները: Դրանց են վերաբերվում.
- Թիմերի միջև հանդիպումների պատմություն: Արժե ուսումնասիրել վերջին 2-3 տարիների հանդիպումները միտումներ գտնելու համար՝ գոլերի, խախտումների, դեղին քարտերի քանակ: Պետք է հաշվի առնել ամբողջ վիճակագրությունը: Անպայման փոխկապակցեք վերլուծված բոլոր ցուցանիշները այն ժամանակ հանդես եկող թիմերի կազմերի հետ։ Սա թույլ կտա հասկանալ, թե ինչ կարելի է ակնկալել թիմերից:
- Մոտիվացիա (անձնական կամ մրցաշարային): Մրցաշարային մոտիվացիայի բացակայությունը չի նշանակում, որ թիմը կարող է խաղալ հնարավորությունների մինիմումով։ Դասական օրինակ է ռուրյան դերբին՝ «Շալկեի» և Դորտմունդի «Բորուսիայի» միջև: Սովորաբար դորտմունդցիները պայքարում են չեմպիոնության համար, իսկ գելզենկիրխենցիները գտնվում են աղյուսակի միջնամասում, բայց դա չի խանգարում «Շալկեին» խաղալ ուժեղ մրցակցի դեմ հնարավորությունների 200 տոկոսով:
- Ներկայիս մարզավիճակ: Որքան հաճախ են գոլ խփում, հեռացվում ֆուտբոլիստները, վերջին շրջանում թիմերի խաղաոճ: Հաղթական կամ պարտությունների շարքեր, առանց հաղթանակների կամ անպարտելիության շարքեր. այս ամենը պետք է հաշվի առնել:
- Որակազրկված, վնասվածքներ ունեցող ֆուտբոլիստներ, երիտասարդ խաղացողների ներգրավվածություն, հիմնական կազմից ֆուտբոլիստների հեռացում. այս իրադարձությունների մասին նորությունները պետք է կարդալ խաղի վերլուծության ժամանակ:
- Մրցավարական կազմ: Մրցավարներից շատ բան է կախված, օրինակ, դեղին քարտերի և խախտումների վիճակագրությունը: Հաճախ մրցավարները հանդիպման ելքի վրա ազդեցություն են ունենում՝ նշանակելով 11-մետրանոց կամ հեռացնելով որևէ ֆուտբոլիստի, այդ պատճառով մի ծուլացեք և ուսումնասիրեք ընտրած հանդիպման մրցավարի վիճակագրությունը:
- Երկրորդական գործոններ: Կոնկրետ մարզադաշտում թիմի մրցելույթներ, եղանակային պայմաններ, մամուլում խաղացողների՝ տրամադրվածության մասին հայտարարություններ, սրանք գլխավոր գործոնները չեն, բայց կարող են լրացնել վերլուծության արդյունքը:
Ֆուտբոլային խաղադրույքների առավելություններ և թերություններ
Առավելություններին են դասվում.
- Վերլուծության համար հիանալի պայմաններ (կան վիճակագրության վերաբերյալ բազմաթիվ պորտալներ)
- Ամենալայն ցանկ
- Հանդիպումների ելքերի համար լավ մարժա
- Ֆուտբոլային մրցաշարերի հետ կապված բազմաթիվ ակցիաներ և բոնուսներ
- Ամեն օր խաղադրույք կատարելու հնարավորություն, քանի որ ֆուտբոլային մրցաշարերը բազմաթիվ են:
Նաև կան որոշ թերություններ.
- Բուքմեյքերներն աշխատում են իրենց սխալների ուղղությամբ և կրճատում են արժեքավոր իրադարձությունների քանակը
- Մինչև մեկնարկը հանդիպման վերաբերյալ փոփոխությունների դեպքում բուքմեյքերներն արագ են արձագանքում՝ թարմացնելով գործակիցները:
Խաղադրույքների արդյունավետ մարտավարություններ
Կան բազմաթիվ տարբեր մարտավարություններ ֆուտբոլի վրա խաղադրույք կատարելու համար: Բոլորը չէ, որ ունեն բարձր արդյունավետություն, բայց լավագույններից մեկն առաջին խաղակեսում գոլի մարտավարությունն է: Այս մոդելի համաձայն՝ բեթթորը խաղադրույք է կատարում, որ գոլ կլինի առաջին խաղակեսում:
Դա անելու համար հարկավոր է վերլուծել խաղը և խաղադրույքների համար ընտրել արդյունավետ մրցաշարից հանդիպում. կհամապատասխանեն Նիդեռլանդների, Գերմանիայի, Ավստրիայի, Շվեյցարիայի, Իտալիայի և այլ երկրների լիգաները: Խաղացողի խնդիրն է սպասել live-ում, մինչև առաջին խաղակեսում ՏՇ 0,5 մարկետի գործակիցը կդառնա 1,6-1,7-ից բարձր և խաղադրույք կատարել նախապես վերլուծված հանդիպման վրա: Նախատեսած գումարի 3-5%-ով խաղալու դեպքում բեթթորը հնարավորություն կունենա երկարաժամկետ հեռանկարում գումար վաստակելու համար:
Ամփոփում
Ֆուտբոլի վրա ճշգրիտ խաղադրույքներ կատարելը և 100%-ով հաղթելն անհնար է:
Շահույթի ճանապարհին սխալները հետապնդելու են նույնիսկ ամենափորձառու խաղացողներին: Բայց այդ սխալները կարելի է նվազագույնի հասցնել ճիշտ վերլուծության և գրագետ ֆինանսական ու խաղային ռազմավարության ընտրության շնորհիվ: Նման խաղային մոդելները բուքմեյքերական գրասենյակի հետ գործակցությամբ համատեղելու դեպքում, որն առաջարկում է խաղադրույքներ կատարելու համար լավագույն պայմանները, խաղը կդառնա ավելի արդյունավետ և կբերի իր արդյունքը՝ կանոնավոր շահույթի տեսքով:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: