Այս տեսությունը կրում է տեղեկատվական բնույթ և չի համարվում գովազդ.

Բուքմեյքերի մարժա․ ինչ է սա և ինչպես հաշվարկել

Բուքմեյքերների Ռեյտինգ
Բոլոր նրանք, ովքեր բուքմեյքերական գրասենյակներում խաղադրույքներ են կատարում իրենց դժվարությամբ վաստակած գումարներով, բախվում են մարժային: Մենք ձեզ կպատմենք թե ինչ է դա, ինչպես կարելի է հաշվարկել և ինչու է այն ընդհանրապես անհրաժեշտ:

Բովանդակություն

Ի՞նչ է բուքմեյքերական գրասենյակում մարժան

Ինչպես բուքմեյքերական գրասենյակների ամենափորձառու խաղացողը, այնպես էլ սկսնակը բախվում են մարժային՝ երբեմն նույնիսկ առանց դա գիտակցելու: Այս բառը գալիս է ֆրանսերենից և թարգմանաբար նշանակում է տարբերություն կամ առավելություն։ Սա, ըստ էության, բուքմեյքերի միջնորդավճարն է։ Այն ներառված է գործակիցների մեջ։ Այս տերմինն օգտագործվում է ոչ միայն բուքմեյքերական գործունեության մեջ, այլև ցանկացած բիզնեսում։

Ելնելով վերոգրյալից՝ մարժայի սահմանումը կարելի է տալ այսպես. սա այն ընդունված գումարի մասնաբաժինն է, որը միջինում վաստակում է բուքմեյքերը՝ անկախ իրադարձության արդյունքից։

Մարժանի էությունն ավելի լավ հասկանալու համար դիտարկենք այսպիսի իրավիճակ։ Գրասենյակն առաջարկում է խաղադրույք կատարել թենիսի խաղի վրա։ Հանդիպում են հավասարազոր մրցակիցներ։ Ոչ-ոքին անհնար է։ Այսպիսով, շանսերը 50-50 են: Նրանցից որևէ մեկի հաղթանակի հավանականությունը վերածում ենք գործակցի հետևյալ կերպով՝ 100% / 50% = 2։

Միգուցե իդեալական աշխարհում երկու մասնակիցների համար էլ գործակիցը կլիներ 2,00: Բայց, եթե մարդիկ նրանցից յուրաքանչյուրի վրա նույնչափ գումարի խաղադրույք կատարեն, բուքմեյքերը ոչինչ չի ստանա։ Այսպիսի իրավիճակը նրան ձեռնտու չէ։

Ի՞նչ է անում բուքմեյքերական գրասենյակը: Ճիշտ է, գործակցի մեջ ներդնում է իր մարժան: Եվ մենք երկու կողմից ստանում ենք 1,95, իսկ ավելի հաճախ՝ 1,91 կամ նույնիսկ ավելի ցածր։

Ինչպիսի՞ մարժա են ունենում բուքմեյքերները

Բուքմեյքերական գրասենյակները բաժանվում են երկու տեսակի․

  • ֆունդամենտալ
  • ցածր մարժայով

Երկրորդի էությունն անվան մեջ է։ Այս տեսակի բուքմեյքերներն ունեն ամենացածր մարժան։ Օրինակ՝ դրանցից ամենահայտնին` Pinnacle Sports-ը, հայտարարում է 1,5-2,5% մարժայի մասին՝ կախված սպորտաձևից: Ֆունդամենտալ բուքմեյքերները սահմանում են 5% կամ ավելի: Դրանք նաև դասական են և ռեկրեացիոն, այսինքն՝ նախատեսված են խաղալիս հանգստանալու համար։ Դրանց թվում են, օրինակ, ռուսական «Лига Ставок» և «Винлайн» բուքմեյքերները։

Ցածր մարժայով բուքմեյքերների մյուս հիմնական տարբերությունները բարձր մաքսիմումներն են և խաղադրույքների փոքր ընտրությունը պրեմատչում, ինչպես նաև գրեթե բացակայող «live»-ը: Նման գրասենյակները հարմար են պրոֆեսիոնալ խաղացողների համար:

Փոքր ցանկը խաղացողներին ստիպում է խաղադրույք կատարել հիմնական շուկաների վրա և օգնում է բուքմեյքերական ընկերությանը հավասարակշռել ընդունված գումարները: Ցածր մարժա ունեցող ընկերության համար շատ կարևոր է վիրաբուժական ճշգրտությամբ սահմանել և կարգավորել գործակիցները:

Ֆունդամենտալ բուքմեյքերներն իրենց գումարի մեծ մասը վաստակում են խաղացողների կորուստներից: Ուստի սպասելիքներին հակառակ անսպասելի ելքերը կամ դասական 0:0 հաշվով ոչ-ոքին նրանց համար նման են դրախտային մանանայի:

Ինչպե՞ս հաշվարկել բուքմեյքերական գրասենյակի մարժան

Օգտագործելով պարզ 5-րդ դասարանի մաթեմատիկան, այժմ մենք օրինակով կորոշենք բուքմեյքերի մարժան:

Ահա երկու ելք ունեցող շուկայի բանաձևը, ըստ որի պետք է հաշվարկել․

Մարժա (%) = (1/Գործակից 1 + 1/Գործակից 2 – 1) x 100

Դիտարկենք ամենապարզ տարբերակը։ Ենթադրենք, որ հավասար մրցակիցների միջև թենիսի հանդիպմանը մեզ առաջարկվում է խաղադրույք կատարել յուրաքանչյուր կողմի վրա 1,80 գործակցով։ Եկեք հաշվարկենք, թե ինչ մարժա է ներառված այս գծում.

(1/1,80 + 1/1,80 – 1) x 100 = 0,111 x 100 = 11,1 Մարժա – 11,1%

Դիտարկենք ավելի բարդ տարբերակներ։ Օրինակ՝ եկեք հաշվարկենք միլանյան դերբիի մարժան: Մի հայտնի կայք մեզ առաջարկում է հետևյալ գործակիցները.

  • «Ինտերի» հաղթանակ – 2,10 գործակից
  • «Միլանի» հաղթանակ – 3,25 գործակից
  • Ոչ-ոքի – 3,38 գործակից

Երեք ելքի բանաձևը ոչնչով չի տարբերվում նախորդից, միայն երկու ելքի հավանականության փոխարեն մենք այժմ գումարում ենք երեքի շանսերը.

(1/2,1 + 1/3,25 + 1/3,38 – 1) x 100 = 0,0797 x 100 = 8 (մենք մի փոքր կլորացրել ենք)

Այսինքն բուքմեյքերի մարժան 8% է։

Ինչո՞ւ պետք է կարողանալ հաշվարկել բուքմեյքերական մարժան

Գործակիցների հիման վրա բուքմեյքեր ընտրելը նման է շուկա գնալուն, որտեղ միս ամենացածր գնով ես փնտրում՝ քեզ բավարարող որակով: Գինն այստեղ բուքմեյքերական մարժան է։ Որքան այն ցածր է, այնքան մեծ է գործակիցը, և այնքան ավելի շատ գումար կշահեք, եթե ճիշտ խաղադրույք կատարեք: Որակն իրադարձությունների ընտրությունն է և խաղադրույքների ցանկը: Փոքր ցանկը չի կարելի անվանել անորակ, բայց այնուամենայնիվ խաղացողների մեծ մասը շուկայում ավելի ճարպոտ միս է փնտրում:

Պետք չէ ընկնել ցածր մարժայի հետևից: Դուք պարզապես կձանձրանաք: Սպորտային խաղադրույքների համար կարևոր է ընտրել գործակիցների, իրադարձությունների և ելքերի լավագույն հարաբերակցությունը: Միայն այդժամ դուք հաճույք կստանաք խաղից:

Կարդացեք նաև. Ինչպես է մարժան երկարաժամկետ հեռանկարում «կուլ տալիս» խաղացողի շահույթը:

Ամփոփում

Մարժա է կոչվում բուքմեյքերի միջնորդավճարը, որն ընդգրկված է գործակիցների մեջ, կամ ընդունված խաղադրույքի գումարի այն մասը, որն ընկերությունը երաշխավորված վաստակելու է: Մարժան հաշվարկելու համար կա հատուկ բանաձև, որի միջոցով խաղացողները կարող են ընտրել իդեալական գործընկերոջ՝ ավելի բարձր գործակիցներով: Որքան ցածր է մարժան, այնքան բարձր են ԲԳ-ի լայնույթի գնանշումները:

Սխա՞լ գտաքՀաղորդեք դրա մասին
Հարցե՞ր են մնացել: Դիմեք մեր գիտակներին:
Մեկնաբանություններ