«Յուվենտուս» – «Չելսի». Ռոբերտ Գասպարյանի կանխատեսումը
Չեմպիոնների լիգայի խմբային փուլի երկրորդ տուրի երկրորդ խաղային օրվա կենտրոնական հանդիպումը կկայանա Թուրինում։ «Յուվենտուսը» կընդունի «Չելսիին»։ Ա Սերիայի այս մրցաշրջանում «Ծեր Սինյորան» վստահ հանդես չի գալիս։ Խոսքը, մասնավորապես, վերաբերում է թիմի պաշտպանությանը. թուրինցիները դեռ «չոր» հանդիպում չեն անցկացրել։
Մաքս Ալեգրին դեռ վերջնական ոտքի չի հանել թիմը։ Հոգեբանական խնդիրներին զուգահեռ գլուխ են բարձրացնում նաև կադրայինները։ «Սամպդորիայի» հետ Ա Սերիայի վերջին տուրի խաղում «Յուվեն» զրկվեց Պաուլո Դիբալայից ու Ալվարո Մորատայից։ Կասկածներ կան, որ Դիբալան վնասել է խաչաձև կապանները։ Այս պահին հայտնի է, որ երկու հարձակվողներն էլ բաց կթողնեն միջազգային հանդիպումները։ Դրա պատճառով, առաջին րոպեներից հիմնական կազմում դուրս կգա Կուլուսևսկի-Կին զույգը։
«Կապույտների» գլխավոր կորուստը Նգոլո Կանտեի բացակայությունն է։ Ֆրանսիայի ընտրանու առանցքային կիսապաշտպանը վարակվել է կորոնավիրուսով և ինքնամեկուսացվել է։ Թոմաս Տուխելի թիմի լազարեթում են Քրիստիան Պուլիշիչը, Մեյսոն Մաունթն ու Ռիս Ջեյմսը։ Կարելի է ենթադրել, որ Ջեյմսի փոխարեն առաջին րոպեներից կխաղա Սեսար Ասպիլիկուետան, իսկ կենտրոնական պաշտպանների եռյակը կկազմեն Քրիստենսենը, Ռյուդիգերն ու վնասվածքից ապաքինված Տիագու Սիլվան։ Կանտեի փոխարեն կենտրոնական գոտին կփակի Սաուլը։
«Յուվեն» ունի խնդիրներ, և դրանից «Չելսին» կարող է ու պետք է օգտվի։ Ենթադրում եմ, որ լոնդոնցիները չեն պարտվի, բայց սեփական դարպասն էլ անառիկ պահել չեն կարողանա։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: