«Յուվենթուս» — «Բավարիա». Նիկիտա Կովալչուկի կանխատեսումը

Հետաքրքիր խաղ է լինելու: Վերջին ժամանակահատվածում երկու թիմերն էլ լավ մարզավիճակում են: Բայց պետք է խոստովանել, որ «Յուվեն» ձանձրալի խաղում հաղթեց «Նապոլիին»:

Իմ կարծիքով` այստեղ ֆավորիտ չկա: Դա միանշանակ ճիշտ է: Մեծ դեր է ունենալու դաշտի կենտրոնը, քանզի «Նապոլիի» հետ խաղում «Յուվենթուսն» այն զիջել էր: Եվ եթե նեապոլցիները չկարողացան օգտվել դրանից, ապա Խաբի Ալոնսոն եւ ընկերները կչեզոքացնեն այս «Յուվենթուսին», եթե թիմը շարունակի այդպես պասիվ խաղալ կենտրոնում: Գումարած այս ամենին, այստեղ շատ կարեւոր կլինի գոլային պահերի ստեղծման եւ դրանց իրացման հարցը: Ամենայն հավանականությամբ, «Յուվենթուսը» կխաղա հակագրոհներով, իսկ «Բավարիան»` գնդակ է գլորելու: Կկարողանա արդյո՞ք «Յուվենթուսն» արագ խաղալ` մեծ հարց է, քանզի Մորատան ու Դիբալան կարող են արագ վազել, իսկ Մանջուկիչը` ոչ: Շատ բան կախված է լինելու նաեւ Պոլ Պոգբայից, ով վերջին հանդիպումները շատ վատ է անցկացնում` իր վրա վերցնելով խաղը, սակայն չիրացնելով այն պահերը, որոնք պետք է անի: Եվ բացի այդ, շարունակում է գնդակ պահանջել ու փորձում միայնակ որոշել դրվագի ելքը:

Ինչ վերաբերում է «Բավարիային», ապա Մյուլլերն ու Լեւանդովսկին պարզապես ապշեցուցիչ մարզավիճակում են: Դարպասապահների հիանալի համակարտություն է լինելու. Նոյերն ընդդեմ Բուֆֆոնի: Հետաքրքիր կլինի հետեւել վերականգնված Կյելինիին` կկարողանա նա խաղալ թե՞ ոչ: Կյելինին ընդդեմ «Բավարիայի» անցանելի պաշտպանությանը. հետաքրքիր է:

Խաղադրույք կկատարեի, որ հետախուզական խաղ կընթանա, թիմերից ոչ ոք ակնհայտ կերպով առաջ չի գնա: Այդուհանդերձ, լուրջ թիմեր են հանդիպելու: «Բավարիայի» հետ ամեն ինչ հասկանալի է, իսկ «Յուվենթուսը» Չեմպիոնների լիգայի նախորդ խաղարկության եզրափակչի մասնակիցն է: Կարծում եմ` այստեղ գոլեր կգրանցվեն: «Յուվենթուսը» կարող է գոլ խփել հեռվից կատարած հարվածների եւ հաջողակ Սիմոնե Ձաձայի հաշվին: Ինչ վերաբերում է «Բավարիային», ապա հաստատ մյունխենցիներն իրենց գնդակը կխփեն: Այդ պատճառով էլ այս հանդիպման վերաբերյալ խաղադրույք կկատարեի 1:1 հաշվի վրա: Ահա այսպիսի բավականին մարտունակ 1:1: