«Խետաֆե» — «Բարսելոնա»․ Ալեքսանդր Վիշնեվսկու կանխատեսումը

«Բարսելոնան» անկասելի է։ Լա լիգայի 3 խաղերում և «Յուվենթուսի» դեմ ՉԼ-ի խաղում կատալոնացիները հաղթել են գոլերի 12-0 տարբերությամբ։ «Խետաֆեն» իր հերթին ունի իր հաղթաթղթերը։ «Կապույտները» խաղին պատրաստվելու համար 2 անգամ ավելի շատ ժամանակ ունեին, ինչպես նաև խաղալու են սեփական դաշտում։ «Խետաֆեն» առաջնության մեկնարկում շեշտը դրել է ամուր պաշտպանության վրա։ 3 տուրում թիմն ընդամենը 2 գոլ է բաց թողել, թեպետ օրացույցն ամենահեշտը չէ․ հանդիպումներ «Աթլետիկի», «Սևիլիայի» և «Լեգանեսի» դեմ։ Փակ պաշտպանություն, թեթև խախտումներ և ժամանակ ձգել՝ ահա թե ինչ է սպասվում «Բարսելոնային» «Խետաֆեի» կատարմամբ։

Կարծում եմ, որ կատալոնացիների համար այնքան էլ հեշտ չի լինի «Խետաֆեի» պաշտպանությունը ճեղքելը։ Սպասում եմ այնպիսի խաղ, ինչպիսին «Ալավես» — «Բարսելոնա» դիմակայությունն էր։ «Ալավեսը» վստահ պաշտպանվում էր, բայց հետո «Բարսելոնան» մրցակցի հոգնածության ֆոնին բացեց հաշիվը, իսկ 2-րդ գոլը խփեց հակագրոհի ժամանակ։ Առաջարկում եմ ««Բարսելոնայի» հաղթանակ ուղիղ 2 գնդակի տարբերությամբ» խաղադրույքը։ Ռիսկային տարբերակ է, բայց գործակիցը բարձր է։

Ավելի ապահով խաղադրույք՝ «Բարսայի» «չոր» հաշվով հաղթանակ»։ Եվ ավելի հետաքրքիր առաջարկ՝ «երկրորդ կեսն առաջինից արդյունավետ կլինի»։ Հանգստի հնարավորություն ստացած Դելոֆեուն հավանաբար մեկնարկային կազմում կփոխարինի Դեմբելեին, իսկ ահա ընդմիջումից հետո արագավազ և տեխնիկապես լավ պատրաստված ֆրանսիացին «Խետաֆեի» հոգնած պաշտպանների ֆոնին դուրս կգա խաղադաշտ։ Ընդմիջումից հետո գոլի հավանականությունն ավելի մեծ է։