«Բուքմեյքերների Ռեյտինգ»-ի «Ֆորայով խաղադրուքներ» ավանդական բաժնում եվրոպական առաջնություններից դիտարկում ենք 2 հանդիպում: Անգլիական Պրեմիեր լիգայում «Տոտենհեմը» կհյուրընկալվի «Էվերթոնին», իսկ Լա լիգայում «Դեպորտիվոն» կընդունի «Վիլյառեալին»:
2015 թվականի վերջում «Տոտենհեմը» գերազանց մարզավիճակ հավաքեց: Մաուրիսիո Պոչետինոյի թիմը հաղթեց վերջին 3 խաղերում և մոտ է մեդալների համար պայքարին: Եթե հաշվի առնենք «Չելսիի» ու «Մանչեսթեր Յունայթեդի» խնդիրները, ապա այս մրցաշրջանում «Տոտենհեմը» եվրոպական էլիտա վերադառնալու հրաշալի հնարավորություն ունի:
«Էվերթոնի» մոտ ամեն ինչ ավելի տխուր է: Թիմը գտնվում է մրցաշարային աղյուսակի միջնամասում, հիմնական կազմի մի շարք խաղացողներ վնասվածքներ ունեն, և դա էլ բավական չէ, թիմը վերջին 2 տնային խաղերում պարտվել է: Եթե չլիներ Ռոմելու Լուկակուն, ով հրաշալի մրցաշրջան է անցկացնում և արդեն միացել է ռմբարկուների պայքարին, ապա մերսիսայդցիների վիճակը շատ ավելի վատ կլիներ:
Թիմերի անհատական մրցակցությունում լոնդոնցիները առավելություն ունեն: Եթե հաշվի առնենք «Տոտենհեմի» մարզավիճակն ու 3 խաղ անընդմեջ հաղթելուց հետո առաջացած էլ ավելի մեծ մոտիվացիան, ապա այս խաղում նրանք նվազագույնը չպետք է պարտվեն: Ավելին, վիճակագրությունը նույնպես «Տոտենհեմի» օգտին է: Պրեմիեր լիգայի շրջանակներում «Էվերթոնը» վերջին անգամ «Տոտենհեմին» հաղթել է ավելի քան 3 տարի առաջ:
Լա-Կորունայի «Ռիասոր» ստադիոնում տեղի «Դեպորտիվոն» Իսպանիայի առաջնության շրջանակներում կընդունի «Վիլյառեալին»: Երկու թիմերն էլ լավ մրցաշրջան են անցկացնում: «Դեպորտիվոն» եվրոգավաթային գոտում է գտնվում, իսկ «Վիլյառեալն» այս պահին վստահորեն ընթանում է 4-րդ հորիզոնականում, ինչը նրանց ՉԼ-ում հանդես գալու հնարավորություն է տալիս:
Գրեթե հավասար թիմերի մրցակցությունում առավելությունը կտամ տանտերերին: Առաջին հերթին «Դեպորտիվոն» առաջնությունում արդեն 8 խաղ անընդմեջ չի պարտվում, և հետո Վիկտոր Սանչեսի թիմն այս մրցաշրջանում սեփական դաշտում ընդամենը 1 անգամ է պարտվել:
«Վիլյառեալը» նույնպես տնային թիմ է համարվում: Միավորների մեծ մասը «դեղին սուզանավը» հավաքել է «Էլ-Մադրիգալ» ստադիոնում, իսկ դրսում հաճախ է պարտություն կրել:
Այո՛, վերջին 4 խաղերում «Վիլյառեալը» հաղթել է, բայց այդ խաղերից երեքը թիմն անցկացրել է սեփական դաշտում: Այսօր նախընտրում եմ զրոյական ֆորայով խաղադրույք կատարել «Դեպորտիվոյի» վրա: Պետք է հաշվի առնել այն, որ «Դեպորտիվոն» «Վիլյառեալի» դեմ տնային խաղերում շատ հաջող է հանդես գալիս: