VBET Հայաստանի Պրեմիեր լիգա. «Վան» – «Արարատ». Էռնեստ Շաբոյանի կանխատեսումը

«Վանն» անսպասելի վատ սկսեց առաջնությունը։ Չարենցավանի թիմը Պրեմիեր լիգայի նորեկ «Սևանի» հետ խաղում ձախողվեց բոլոր առումներով։ Ճի՛շտ է, երկու անգամ «Վանը» կարողացավ ուժ գտնել և հավասարեցնել հաշիվը, բայց դարպասապահ Նիկոլայ Ցիգանի կոպիտ սխալներն, ինչպես նաև պաշտպանների անհամաձայնեցված գործողությունները թույլ չտվեցին թիմին ավելին անել։

Չարենցավանը ներկայացնող ակումբը լավ համալրումներ է կատարել։ Կոտդիվուարցի հարձակվող Ուիլֆրեդ Էզայի հեռանալուց հետո թիմ է հրավիրվել փորձառու Զավեն Բադոյանը, որը գոլի հեղինակ դարձավ «Սևանի» հետ մրցավեճում։ Եկել է նաև պաշտպան Գագիկ Դաղբաշյանը, բայց նորեկներին դեռ ժամանակ է հարկավոր թիմին մերվելու համար։

«Արարատը» ավելի վաղ սկսեց մրցաշրջանը։ Վարդան Բիչախչյանի թիմը հասցրեց թրծվել եվրագավաթային խաղերում և առաջնությանը մոտեցավ ավելի լավ վիճակում։

Ճի՛շտ է, ակումբից հեռացել է թիմի լավագույն ռմբարկու Մորի Կոնեն, բայց նրա բացակայությունը գրեթե չի զգացվում։ Նորեկներ Յակուբա Սիլուեն և Սերժ Դեբլեն տպավորում են իրենց խաղով և փայլուն են համագործակցում առջևի գծում։ Կիսապաշտպանությունում հրաշալի եռյակ է ձևավորվել՝ ի դեմս Էդգար Մալաքյանի, Դավիթ Մանոյանի և Ալիկ Առաքելյանի։ Ցավոք, նույնը չի կարելի ասել պաշտպանության մասին, այստեղ խնդիրներն ակնհայտ են։

Այնուամենայնիվ, Վարդան Բիչախչյանը հիանալի կոլեկտիվ է ստեղծել։ «Արարատը» նման կազմով և խաղով Պրեմիեր լիգայի հաղթողի գլխավոր հավակնորդներից է։

Նախորդ մրցաշրջանում «Վանը» բավականին բարդ մրցակից էր «Արարատի» համար։ Չարենցավանի թիմը 4 կարևոր միավոր խլեց մայրաքաղաքային թիմից, իսկ դա ճակատագրական եղավ չեմպիոնական մրցավազքում հաղթելու համար։

«Վանն» առաջին տնային հանդիպումն է անցկացնելու այս առաջնությունում և ամեն ինչ անելու է իր երկրպագուներին ուրախացնելու համար։

«Արարատն» էլ ոգևորության ալիքի վրա փորձելու է վրեժխնդիր լինել նախորդ մրցաշրջանի համար։

Ընտրում եմ երկու թիմերն էլ գոլ կխփեն խաղադրույքը, որի համար Vbet-ն առաջարկում է 1.82 գործակիցը։